Tura, Apr 23: Tura District Football Association-ni ong•atenggipa Tura Football League Super Division-ko Mongolbar salo, Chandmary-o donggipa GBHSS Football Turf-o a•bachengataha aro ia kal•susaaniko East aro West Garo Hills-ni District Forest Officer Rupankar Marak do•ga oe on•angaha.
Ia tournament-ko a•bachengatanio Chipakkore FC aro West Balalgre Club dolni gisepo kal•susaangaha, jeon Chipakkore FC goal 3-0-chi West Balalgre Club-ko cheangaha.
Ia Tura Football League Super Division tournament-o gimik dol 8 robol kal•gipa dolrang bak ra•enga aro ia dolrangara, Chipakkore FC, Selsella SA, West Balalgre Club, Maram FC, Dadenggre FC, Druma Sandruma SC, Boca Junior FC aro Garuda Foundation ong•enga.
Ia bilsio chegipa dolna gong lak 2-ko boksis dake on•gen aro gnigipa dolna gong lak 1-ko boksis dake on•angskagen.
Na·simang ia video-koba nina man·gen:
Na·simang iakoba poraina man·gen: Education Minister, CSE segiparangni chu•sokgijanina gisiko suk ong•gijaniko paraka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
