Imphal, Apr 24: Manipur a•dokni Kangpokpi a•jani ning•o ga•akenggipa Saparmenia-o donggipa, NH2 baksa nagrime tarigimin dollong, IED bomb-chi bretatani a•selo nosto ong•atako man•aha.
Ia dollongko nosto ka•ani a•selo, Imphal songjinmaoni a•songni damgipin biaprangona re•a doanirango chu•gimikan dondikatako man•aha aro a•ja ning•o naljoke donganina mikrakataniko ra•baani ong•skaaha. Ia dollongko mongsongbate, bosturangko salruraanio aro re•a doanio jakkalenggipa ong•achim. Indake, ia dollongni nosto ong•atako man•an baksana, rama sorokrangba nosto ong•atako man•aha aro uarangko apsan dake taritaianioba, bang•a neng•nikanirangko authority-rang chagrongna gita nangskaengaha ine nikna man•a.
Indake, ia a•sel ong•anio, darangba saknaatako man•jagenchimoba, Sekmai chisamoniko ro•ong bikotanio kam ka•e cha•enggiparang, uamangni kam ka•anirangko salsana dondikatna nangao ga•akaha.
Ia ka•mikenatanirang sokengani gisepon, Tamenglong a•jani gnigipa phase-ni eleksinna tarisamsoanioba neng•nikanirangko a•doko chagrongna nangao ga•akskaaha aro sak 260 mangni gita Manipur-ni police dolrangko eleksin duty-na watataha ine u•iataha.
Iani gisepon, watata man•gipa police-rangoni uamangna naljokani dongjawa ine chanchipenba, Meitei jatoni sak 197 sipairangko eleksin duty-na rakkichina inenba uamang sorkariko mol•motaha.
Indake, April 26 tariko ong•atnasienggipa eleksinna tarisamsoaniko dakengon, iandakgipa a•selrang ong•anirangko nikengon, a•ja ning•o naljokanina chel•chaksona nangenga ine nikna man•enga. Iani gisepon, so•sojengjeng ong•anirang batrorona jajrenganiko man•engon, a•doko songdong a•chaenggipa manderangko tom•tome aro naljoke rakkina man•a gita kam ka•anio, authority-rangni kosakoba bang•a sinjetanirangko man•skaenga.
Na·simang ia video-koba nina man·gen:
Na·simang iakoba poraina man·gen: SWGH-o me•chik bi•sa sakgniko drae til•ekgipani bidingo sakbriko rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
