Ampati, Jun 1: South West Garo Hills a•jani District Tobacco Control Program (NTCP), National Oral Health Program (NOHP) baksa nangrime, skulo poraienggipa bi•sarangna ta•makku jakkalani namgijani bidingo mikrakatna aro ta•makku jakkalaoniko chel•chakna gita Sombar salo, World No Tobacco Day 2026-ko Dengasi-o donggipa Bidamong Educational Foundation School-o maniangaha.
Ia program-ko Ampati Civil Hospital-ni Dental Surgeon Dr Challang R Sangma dilangaha aro tom•anio, health official-rang, songni nokni dilgiparang, skigiparang, chatro chatrirang aro jolo songdongenggipa manderangba bak ra•angtokaha.
Ia program-ko ong•atanio, South West Garo Hills a•jani SDSEO Emphul Ch Marak, mongsonggipa sokgipa ong•e, tom•anio bak ra•giparangna aganprakangengon, ta•makku aro pekatgipa bosturangoni chel•e dongchina aro lekka porao gisik nanggiparang ong•china chatro chatrirangko didiangaha.
Ia program-ko ong•atani bidingo, South West Garo Hills NTCP aro NOHP-ni District Nodal Officer Dr Cornelious R Marak talate on•angengon, ta•makkuko jakkalanichi mandena, mongsongbate bi•sarangna aro dal•drobaenggipa chadamberangna namgijaniko ra•bana man•ani gimin aganangaha. Ta•makku jakkalaoniko bi•sarangko chel•chake rakkina gita ma•a paarangko, skigiparangko aro songni nokni dilgiparangko nangrime kam ka•china gitaba Dr Marak didiangaha.
Ia World No Tobacco Day-ko manianio dongpae jinmana aganprakanggipa gipin manderangara, Ampati-ni SDMHO Dr Ladya M Marak, Chief Legal Aid Defence Counsel Sengatchi Marak, Garobadha PHC-ni Medical Officer-in-Charge Dr Timchida A Marak, Junior Rural Development Officer (JRDO) CN Marak, Ampati Civil Hospital-ni Dental Surgeon Dr Sonami G Sangma aro gipinrang ong•a.
Ia World No Tobacco Day-ko maniani bak gita quiz competition-koba chatro chatrirangna ong•atangaha aro chegiparangna boksisrangko on•angaha.
Ia World No Tobacco Day-ko manianio Tuberculosis aro dingtang dingtang sabisi sakanchirangna porikkarangkoba ra•e niangjolaha aro songni bang•a manderangan an•tangtangko porikka ra•e nina cholrangko man•aha.
Na·simang iakoba nina man·gen:
Na·simang iakoba poraina man·gen: EGH-ni District Magistrate, Section 163 of the BNSS, 2023-ko ra·gata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
