India-ni Tanvi Sharma gold-ko amna namen krengbeaha indiba ua BWF World Junior Championships 2025-o sliver medal-ko amangaha. Ia bilsi 16 ong·gipa me·chik bi·sa gisik nange susagenchimoba, Robibar salo National Centre of Excellence, Guwahati-o girls singles final-o kal·susaon, Thailand-ni Anyapat Phichitpreechasak-ni kosako chena man·jaha.
Final-o kal·engon, Tanvi Anyapat baksa susae 7-15, 12-15-ko man·aha aro India a·songtango susaanirango saksani susaanio silver aro jinmani susaanio bronze-ko man·angaha. Aparna Popat (1996) aro Saina Nehwal-ni (2006) ja·mano, India-oni ia kal·susaanio silver medal-ko man·na Tanvi-an gittamgipa me·chik ong·a.
Olympian shuttler gitcham Valiyaveetil Diju baksa, Tanvi Sharma’-ni susaanirangni gimin adita agangrikanirangko dakangaha.
Junior World Championship-o Tanvi Sharma-ni kal·usaanirangni gimin na·a maiko chanchia?
V Diju: Ian uni badminton kal·susaanirango nambate susaani ong·a. Ua a·gilsakni gipin kal·susagiparang baksa susaanirango namedake a·bachengna man·aha, iandake susaanichi ua senior gadango kal·susana dakchakgen aro uko ka·dongbatatgen.
Ua gipin kal·susagiparangoni maikai dingtanga?
V Diju: Saina Nehwal gitan ua kal·chakram biapo namedake susagipa ong·a. Ia championship-rango uni susaanirang uni gisik nangani aro krenganirangko mesokenga.
Ua maio namdapatna ba gisik nangna nangenga ine na·a chanchia?
V Diju: Ua kal·chakram biapo uni ta·rakaniko namdapatna nangenga, mongsongbate back court-oni shuttle-ko dokatani ja·mano ua net-ona ta·rake re·angna nangenga.
Ian uni senior gadangona sokdoanina a·bachengani ong·engama?
V Diju: Ong·chongmota, ian senior gadango namedake kal·susana una dakchakgen, ia medal-an uko ka·dongbatatgen. Ua bilsi 16-san ong·aingkua, uni gimin junior gadangoba nambate dakangkugen ine an·ching ka·dongna man·a.
Na·a una maiko ku·pattina sikgen?
V Diju: Badminton-ara namen mata-buako man·na altuguipa kal·usaani ong·a uni gimin mata-buako man·nabe ine angade agangen maina ua bilsi 16-san ong·engpiti aro mikkangchini rama bakrokuenga. An·tangni be·enni aro an·seng-baljokani kri kal·susaanirangna ranta ka·na nanga.
Na·simang iakoba nina man·gen:
Na·simang iakoba poraina man·gen: Meghalaya-ni me·chikrang India-na rasongko ra·baa, Sanbor Shullai uamangko mande ra·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
