Tura, April 11: Tura District Cricket Association-ni ong•atanggipa Inter-Club Cricket tournament-ko Mongolbar salo Tura-ni Alotgre Cricket kal•chakramo matchotataha aro ia tournament-ni bon•kamgipa kal•susaaniko Miracle dol aro Krimkro dolni gisepo kal•susaangenba, bon•kamao Miracle dol chegipa ong•aha.

Toss-ko cheenba Krimkro dol, dokchengna tik ka•ahachim indiba 38.2 over-rango 187 run-rangkosan dokna man•aiaha.

Miracle dolni dokskaani ong•ahaon, uamangni batsman-rangba dikdikprak doken siangtokaiahachim indiba 38.4 over-o uamang saksni wicket-rang out ong•e, Krimkro dolni dongimin nisanko wicket ge 3-chi chena man•aha.

Ia bon•kamgipa kal•susaanio nambee kal•ahani gimin Miracle dolni Manish Sharma-na ‘Man of the Match’ boksisko on•aha aro Jangkar Momin-na ‘Man of the Series’-ni boksisko on•skaaha.

Iakoba poraie nina man·gen: Gipinchini bilbae cha·amegipa sogin do·orangko West Jaintia Hills-o niktoka