Tura, July 8: Tura Football League Super Division 2025-ko P. A. Sangma Football Stadium-o kal·susaani 5gipa salo, Maram Football Club gol 5 ko chipe Rongkhon Sporting dolko cheaha.
Maram FC ia kal·susaanio, skanggipa neng·takani somoi ong·na skangan bil·sue kal·aha aro goal-rangko chipaha. Indake Rongkhon Sporting dolba rakbate kal·na krengaha, indiba rakbee jotton ka·begenchimoba ia kal·susaanio uamang golsa koba chipna man·jaha.
Maram FC dolni Jakchim K Marak, kal·chengani dikdiksa somoi ja·manan goal-sako chipaha, uni joljol minute 16 mang ong·o Tremarchwal Marak goal-sako chipskaaha. Minute 40 mang ong·o Jakchim gnigipa goal-ko aro minute 43-o Tremarchwal gnigipa goal-ko chiptaiaha. Bon·kame minute 76 ong·o Jakchim uni gittamgipa goal-ko chipenba Rongkhon Sporting dolko 5-0 goal-rangko man·e amchepataha.
Ia kal·susaanio niam pe·e kal·ahani gimin Maram FC dolni Jenius Marak aro Rongkhon Sporting dolni Andrew Sangma, yellow card-ko man·aha.
Indake July 10 tariko, West Balalgre aro Chipakkore FC baksa P. A. Football Stadium-o kal·susaanggen.
Na·simang ia video-koba nina man·gen:
Na·simang iakoba poraina man·gen: Bilsi 38 ong·gipa mandeko uni bilsi 15 ong·gipa demechik nanggipako kragija til·ekdraanina rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
