Thadlaskein, March 12: Thadlaskein C&RD Block-ni ning·ao donggipa songrangna West Jaintia Hills District Administration Bristibar salo Thadlaskein Block office-o DC Connect Programme-ko ong·atangaha.
Ia programme-ko ong·atani miksonganiara songni-nokni dilgiparangko dingtang dingtang line department-rangni official-rang baksa gronggrike uamangni songrango chagrongenggipa neng·nikanirangni bidingo agangrikanirangko dakna cholko on·ani ong·a ine tom·ani a·bachengo Deputy Commissioner Abhinav Kumar Singh, IAS, parakataha.
Singo-noko chagrongenggipa neng·nikanirangko janape, uarangko namatani cholrangko agane on·na ine District Administration is cholko a·bachengataha ine ua aganangaha. Unbaksana, ia cholko on·anichi administration-ko manderangni nangnikanirangko aro neng·nikanirangko nambate ma·sina dakchakgen ine ua aganangaha.
Maiaba neng·nikanirangko sorkarina u·iatna nanggenchimode, ia cholko jakkale District Administration a·dok sorkarina agane on·na aro dakchakna man·gen ineba DC talatdapangaha.
Uandake, uamangna on·gimin cholko ama dipet jakkalchina manderangna didianiko on·enba, uano donggipa official-rang manderangni neng·nikaniko namatna dakchakgen ine Abhinav Kumar Singh an·tangni ka·donganiko parakataha. Gong·rake namatna man·gipa obostarangko ua somoion namate on·anggen aro gipin neng·nikanirangko namedake nirokna man·na gita kam ka·anggen ine ua manderangna ku·chake on·angaha.
Tom·bimonganiko ong·atengmitingo, songni-nokni dilgiparang uamangni songo-noko ong·enggipa obostarang, jekai namroro-silroroani aro manderangna dangdike on·anirangni bidingo janapanirangko dakangaha. Dingtang dingtang line department-rangni official-rang uamangni sing·anirangna aganchakanirangko aro talatanirangko dake on·angaha.
Ia tom·anio bak ra·gipa dilgiparangara Additional Deputy Commissioner, B. Blah, MCS; Thadlaskein Block Development Officer Dr. Hemonmi Niang; Assistant Commissioner, LBR Marak, MCS; aro Soil & Water Conservation, Education, ICDS, Supply, PWD, PHE, MeECL, Agriculture aro gipin department-rangni dilgiparang ong·a.
Na·simang iakoba nina man·gen:
Na·simang iakoba poraina man·gen: So•sojengjeng ong•gipa biaprangko CM nianga; Manderangna cha•ani bosturangko sokatchina District Administration-ko ge•etanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
