Tura, Nov 1: Mongolbar salo, Tikrikilla jolo donggipa Paham songo dingtangmancha tom•aniko ong•atangenba, Meghalaya a•dokni Chief Minister Conrad K Sangma-ni jakchi jolo donggipa dingtang dingtang producer group-rangna FOCUS plus program-ni ning•o gong lak 9.77-ni cheque-rangko suale on•angaha.
At Paham, Tikrikilla to extend the financial aid for producers under FOCUS+ amounting to ₹9.77 Lakhs.
Together, Meghalaya’s biggest welfare scheme for farmers FOCUS & its extension scheme FOCUS+ are giving our farming community a financial advantage of ₹10,000@nstomar pic.twitter.com/Uf29iUF9D3
— Conrad Sangma (@SangmaConrad) November 1, 2022
Ia tom•bimonganiko ong•atanio a•dokni Chief Minister, hajal kotokni manderangna aganprakatengon, Meghalaya a•doko game ge•e cha•enggipa manderangni namgnina ra•gatgipa FOCUS aro FOCUS plus program-chi game ge•e cha•enggipa nokdangrang gong 10,000 tangkarangko man•enga ine parakataha.
Ia apsan tom•anion, Yess Meghalaya scheme-ni ning•o gong lak 1.40-ni cheque-rangkoba, Tikrikilla jolo donggipa chadambe dolrangna suale on•angaha.
Indake ong•engon, PROGRESS scheme-ni ning•oba sak 450 manderangna sakprako mangbri ka•e bi•sa pe•ninggipa rokomni wak bi•sarangko suale on•angaha.
Through PROGRESS scheme, 450 beneficiaries received 4 high yielding breed of piglets each to support the livelihoods of the farming community of Tikrikilla area.@PRupala pic.twitter.com/W2Q6Fw5n9o
— Conrad Sangma (@SangmaConrad) November 1, 2022
Ia tom•bimonganio Chief Minister-ni parakatani gitade, 2018 bilsio NPP-ni dilanichi sorkariko rikchenga intalan a•doko songdongenggipa manderangni janggi tanganiko namdapatna gita ia sorkari, galchipako man•enggipa game ge•e cha•enggiparangni namgnina dingtang dingtang scheme aro program-rangko a•bachengate on•aha.
Meghalaya a•doko songdongenggipa manderangoni 70 percent-de game ge•e cha•giparangan ong•a aro gama ge•ani kamrangchian janggi tangenggiparang ong•a ine janapatengon, da•o mikkang bilsi 10-ni gisepo Meghalaya a•dokkoba a•songo nambatsranggipa dam 10 a•dokrangoni damsa ong•atna gita sorkari nisanko donenga kam ka•enga ine Chief Minister parakataha.
