Shillong, Aug 8: Khasi Hills Autonomous District Council (KHADC)-o opposition dolko dilenggipa Titosstarwell Chyne-ko United Democratic Party (UDP)-ni gital state general secretary songaha ine Sukrobar salo, UDP-ni president Metbah Lyngdoh, central executive committee(CEC)-ni tom•aniko ong•atani ja•man kobor ra•timgiparangna parakataha.
CEC-ni tom•anio, cabinet-ni biapko sualtaiani giminba chanchirimahama ine sing•anina aganchakaniko on•angengon, iani bidingo adita sak dilgiparang sing•aniko naatahachim indiba CEC-ni tom•aniode iani gimin chanchiani ong•jani gimin uamangni ku•pattianirangko see ra•skaaha ine Lyngdoh aganaha.
Indake ong•engon, an•tangko UDP-ni gital state general secretary songanina Titosstarwell Chyne-ba CEC-ko mittelpilangskaaha.
Gital general secretary ong•e uni mongsonggipa daitoara mai ong•gen ine sing•on, mikkangchi party-ko bilakbatatangkuani aro seoka man•gipa dilgiparangni gisepo party baksa nangrimaniko bilakbatatna ua kam ka•gen ine Chyne aganaha.
Na·simang iakoba nina man·gen:
Na·simang iakoba poraina man·gen: AASU, Hindu napsrukbagipa manderangni case-rangko den·galchina on·gipa sorkarini ge·etani lekkarangko so·e gala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
