Guwahati, Jan 12: Tokyo Olympics medalist Lovelina Borgohain Assamni Deputy Superintendent of police (DSP) na butbar salo seokako man•aha aro Assamni skotong minister Hemanta Biswa Sharma a•dokni Janata Bhawano tom•anio una appointment letterko on•aha, jeon Assam DGP Bhaskar Jyoti Mahanta aro Chief Secretary Jishnu Baruah ba dongpaaha.
Lovelina Borgohainko DSPna seokanio chinga namen kusi ong•bea aro uni chu•sokanina chinga namen rasong chabee uko rimchaksoa ine Assam a•dokni policerang tweeter-o parakataha. Lovelina an•tangba, an•tangko DSPna seokanina kusian gape, mikkangchi ua kal•susaaninaba gisik on•e kam ka•angkugen ine aganaha. “Angni da•o dakna nangani daitode Assam a•dokna aro India a•songna bang•bata medalrangko man•bae on•anian ong•a. Anga Policeni kamrangkosan ka•aigija, kal•susaaninaba gisik on•e kamko ka•angkugen, changgipa-sapgipa kal•giparangko ong•katatna kamko ka•angkugen. Ia kamko angna on•anina Assam sorkariko anga gisik ka•tong gimikchi mittelbea” ine Lovelina gisik nangbee aganaha.
