Agartala, June 27: Bristibar salo, Tripura-ni Skotong Minister Dr. Manik Saha, uamangni sorkari lekka pora bida, sana banani, rama jal·angrangko namdapatna aro tribal manderangni chu·gimik namroro silroroanina kamrangko ka·enga ine u·iataha. Sepahijala a·jao, dingtang dingtang namroro silroroani project-rangko a·bachengate on·an baksana pangchakaniko songe on·ani somoio, ming 7 project-rangkode Bishalgarh Sub-Division-o a·bachengate on·man·aha aro dam 5 biaprango pangchakanirangkoba songmanaha ineba ua janapataha.
Prime Minister Narendra Modi-ni bebe ra·ani gitade, a·songni mikkangchi namroro silroroanina tang·doaniko nangchongmota aro apsan daken Tripura a·dokni sorkariba kamrangko ka·enga ine Dr. Saha agandapangkuaha. 2025 bilsini January jaoni June jaona, Tripura a·dokni dingtang dingtang biaprangon a·dokni gita kror 638.65 mangna batpile gital project-rangko a·bachengataha ineba ua aganaha.
Tripura a·dokko an·tangari cholina man·aigipa ong·atna sorkari raken kamrangko ka·enga ine u·iatengon, 2018 bilsio BJP-ni bilo re·bana skangde a·doko self-help group (SRGs)-rang 4,000-oni 4,500-ni gitasan dongaiachim, indiba da·o 56,000-ona baridapaha ineba ua agandapangkuaha. Sorkari, SHG dolrangna kror 700-na baten dakchakanirangko on·angaha aro bank-rangba uamangna tangka paisani gita dakchakanirangko on·enga ineba Dr. Saha janapataha.
Na·simang ia video-koba nina man·gen:
Na·simang iakoba poraina man·gen: Assamni Transgender manderang Sorkari-ni uamangko ra·chakanina kusi ong·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
