Shillong, Jun 27: Assam aro Meghalaya a•dok damgnini simao donggipa West Karbi Anglong a•jani Tapatt jolo, a•dok damgnini manderang dinggrikani ong•kattaiaha.
Koborko on•ani gitade, adita salrangna skangsan ia Tapatt jolrango, Karbi Anglong Autonomous Council (KAAC), bol chararangko bang•en ge•aha indiba ia biaprangko Meghalaya a•dok ning•o songdongenggipa Khasi-rangba a•kangskae, ia biaprango gama ge•anirangko jegaltokskaengachim.
Ia jolrango songdongenggipa a•dok damgnini manderang, batanggimin sal somoirangonin nanggrikrongengani gimin tom•tomaniko ra•bana miksonge Sukrobar salo, dingtangmancha tom•aniko Tapatt Primary skulo ong•atna manchiahachim indiba ia tom•aniko a•bachengna skangan, adita Khasi manderang, ia biapo ge•gimin bol chararangko nosto ka•angtaiahani gimin ia jolrango songdongenggipa Karbi manderangba ding•chaoani ong•kattaiaha.
Uandaken ja•mano Khasi aro Karbi manderangni gisepo dinggrikani ong•kataha aro Assam simachipak rikgipa nok te•sako dolsa Khasi manderang so•chipe galaha. Dolgni dinggrikanio, Chandra Terang minggipa mande saksa adita mata bu•anirangkoba man•aha ine kobor on•aha.
Dolgnini gisepo dinggrikanirang batroroangon, bakan Assam police-rang ua biapona re•bae, manderangko katatna gita tear gas aro rubber gulirangchi goaha.
Iandake a•sel ong•engmiting somoio West Karbi Anglong-ni Deputy Commissioner Sarangpani Sharma aro Superintendent of Police (SP) Idronil Barua, ua biapona re•baenba, dolgni dinggrikako namatna man•aha.
Na·simang ia video-koba nina man·gen:
Na·simang iakoba poraina man·gen: Tripura-ni CM, Sepahijala a·jao namroro silroroani project-rangna pangchakaniko songe on·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
