Agartala, May 15: Sonibar salo, Tripura a·dokni Chief Minister Biplab Deb-ni kamtangko watangani ja·man, Dental surgeon-oni politician ong·anggipa aro Tripura a·dokni gital Chief Minister Manik Saha, a·dokni 12-gipa Chief Minister ong·e, Robibar salo ku·mikchetskaaha.

Bilsi 69-gipa Saha-ko Sonibar salo, Tripura a·doko BJP MLA-rangko dilna gita seokani ja·man, Robibar salo Tripura a·dokni Raj Bhavan-o Governor Satyadeo Narain Arya-ni dilanichi Saha-ko gital Chief Minister ong·e ku·mikchetataha.

Tripura a·dokni gital Chief Minister-na songako man·gipa Manik Saha, re·anggipa March 31 tarikosan, Tripura a·dokni Rajya Sabha MP-na seokako man·ahachim aro da·o ua Chief Minister-na songako man·ahani gimin jadokni gisepon Tripura Assembly-o seokako man·skana nangengahachim.

Demechik sakgnini pagipa Manik Saha, Tripura Medical College aro Agartala-ni BR Ambedkar Memorial Teaching Hospital-o skigipani kamkoba ka·engachim aro 2015 bilsio BJP dolo napenba 2021 bilsio BJP-ni state president ong·ahachim.

Tripura Assembly election-ko re·baenggipa bilsini January-February jani gisepon ong·atna siengahachim.