24.6 C
Tura
spot_img

Tripura-ni MBB college-o admission ra•anio dakchakaniko on•a help desk kuliani bidingo nanggrika

Must read

Agartala, June 25 : Sombar salni bako, Tripura-ni Maharaja Bir Bikram College-o, 4-gipa semester-o poraienggipa chatro aro Twipra Student’s Federation-ni member Aman Debbarma minggipa gital admission ra•giparangna dakchakaniko on•a inenba TSF dolni gita help desk-ko a•bachengatna am•ani bidingo nanggrikani a•sel mata buako man•aha.

“Gital admission ra•giparangna help desk-ko kulina am•ani bidingo dolgni students organisation-rangni gisepgriko nanggrikani a•bachengani a•selo chatro saksa sko-o mataniko man•aha,” ine college-o skigipa saksa u•iataha.

Advertisement

Mata buako man•gipa chatro, jensalo principal-ni room-oni help desk-ko chalaina gita voluntary identity card-ko man•a jotton ka•na napangenba ongkatbamiting somoio chadrapako man•aha.

Mata buako man•gipani aganani gitade, ABVP dolni manderang, darang institute-oba TSF dolrangni help desk kulianiko namnikja aro an•tangtangsa ia pilakon jako ra•e bil man•asa jotton ka•enga.

Advertisement

Ia ong•a obostani jaman, TSF dolni watatako man•gipa mande, college-ni principal Dr. Nirmal Bhadra-ko grongenba dos dakgiparangni kosako kragipa ja•ku deaniko dakan baksana mikkangchiba indakgipa obostarangko champengani cholrangko dakchinaba didiangaha.

“Students organisation-rangna agre darang chatro chatrirangni badi ka•anikoba anga man•sokuja,” inenba principal Bhadra kobor ra•timgiparangna u•iataha.

“Angni re•ange nion mata buako man•gipana agre anga darangkoba nikejaha, jekon sanna bannaniko dakna gita hospital-ona rimangaha” ineba ua agandapangkuaha.

Advertisement

College-o boundary wall-rang dongjani a•selo ia indakgipa obostarangko gisepode chagrongna nangaia aro a•palni manderangba ia cholko ra•e napbatokenga, indake ia ong•a obostani jaman police-rangko okamatenba apalni manderangkoba ra•ongkatataha ineba principal u•iataha.

Help desk-ko kulina am•ani bidingosa ia nanggrikani a•chengahani gimin, darang students organisation-rangba iano help desk-ko kulina gita nangjawa, maina college-o gital admission ra•nagiparangna dakchakaniko on•a gita institution-o chu•onga gita skigiparang dong•enga.

Na·simang ia video-koba nina man·gen:

Na·simang iakoba poraina man·gen: Cachar aro Jiribam a•jani administration-rang joint meeting-ko ong•atanga

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub

spot_img

More articles

spot_img
-->

Latest article