24.6 C
Tura
spot_img

Cachar aro Jiribam a•jani administration-rang joint meeting-ko ong•atanga

Must read

Guwahati, June 24: Manipur a•dokni Jibiram a•jao so•sojengjeng ong•engani gisepon, manderangni gisiko ka•donganiko ra•bana gita, Cachar Assam-ni Jirighat police station-o Assam Cachar-ni district administration aro Manipur Jiribam-ni district administration, apsan tom•aniko ong•atangaha.

Advertisement

Ia tom•anio, Cachar-ni District Commissioner Rohan Kumar Jha, Superintendent of Police Numal Mahatta, Jiribam-ni Additional DC Manoranjan Tokcham aro Additional SP Thomas Tokcham-ba bak ra•angaha.

A•jao tom•tom ong•aniko ra•baanian nangchongmotgipa ong•enga, indake Jiribam a•jao so•sojengjeng ong•anirang ka•sinsin namkalroroanggenchim ong•oba, a•jani manderangni gisiko ka•donganirangko maikai ra•bana gita man•gen iarangni giminba golpogrikanirangko dakangan baksana, je manderangan Cachar-ona so•sojengjeng ong•ani somoio ma•chakna gita re•baahachim uamangna chu•gimik chel•chakaniko on•gen ine sakantikon noktangtangona re•angpilchina gita, Cachar-ni DC Rohan Kumar Jha, kobor ra•timgiparangna u•iataha.

Advertisement

“Da•o adita so•sojengjeng ong•anirang dongkugenchim ong•oba iarang ta•raken nampilaigen, maina chinga tom•tomaniko ra•bana gita man•a dipet kamrangko ka•enga,” ine Jiribam-ni ADC Manoranjan Tokcham aganaha.

“Chinga Assam-ni police-rang, bakrimaniko on•enganina aro bilsi gimikan dakchakaniko on•baahanina Assam-o songdongenggipa manderangko mittelna namnika. Jiribam a•jao so•sojengjeng ong•chengaoni, chong•motan June-ni 6 tarikonin chinga Assam-ni mikkangchakgipa dolrang baksa kobor ra•grike dongenga. Da•o dipet Cachar-o tom•tom ong• dongenga aro maming jajrengna nanganirangko kobor man•a dongkujaenga. Mikkangchiba ia sima ari jolrango maming neng•nikanirang dongjawa ine chinga ka•dongsoenga,” ineba Jiribam-ni ASP Thomas Tokcham aganangaha.

Advertisement

Assam-ni salgipeng jolni Cachar a•jaoni Haokippunji aro Hmarkhawlienin ia damgni songrango, sak 900-mangni gita Kuki aro Hmar jatrang so•sojengjeng ong•ani a•selo mahari ma•drang aro ripengskani nokrango ma•chaketokahachim.

Barak aro Jiri chibimarang, Manipur aro Assam-ni sima ariko bak dakatgipa ong•a aro Jiribam ian Cachar-ni Silchar jillanioni km 45-mangni gita chel•ao ong•an baksana Manipur-ni skotong Imphal songjinmaoni km 222-mangni chel•ao ong•skaa.

2016 bilsio, Jiribam a•jako Imphal-ni Salaram a•jaoniko dingtangatahachim. Meitei jatrangan ia a•jaoba aro Jiribam-ni skotong songoba bang•batgipa jatrang ong•a.

Na·simang ia video-koba nina man·gen:

Na·simang iakoba poraina man·gen: Lum Wortoh-o prayer centre-ko kulichina didia

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub

spot_img

More articles

spot_img
-->

Latest article