Agartala, Jan 6: Tripura Tribal Areas Autonomous District Council (TTAADC) election-ko da•o jagnini gisepon ong•atna siengani gimin Mongolbar salo, Tripura a•dokni Chief Minister Manik Saha-ni dilanichi, roadshow ba re•jome mesokaniko, Dhalai a•jani Manu jillao ong•atangaha.
Chief Minister Manik Saha-ni dilanichi rama gita re•jomangengmiting somoio, jolo songdongenggipa manderang, mongsongbate Tribal-rang, jattangni ganding chindingrangko gane, ramasamrango nisotokaha aro re•jomenggipa garirangko, pul bibalrangchi satdapriktokaha.
Ia roadshow-ko ong•atani bidingo Tripura a•dokni Chief Minister, kobor ra•timgiparangna talataniko on•angengon, manderangni iandake gisik nanganiko, Prime Minister ba Union Home Minister-ni re•baani somoirangosa nikrongaiachim indiba ia roadshow-ko ong•atanio indita bang•bea manderangni gisiko nangbee bak ra•aniara, a•dok sorkario ka•donganiko mesokani ong•aha ine parakataha.
Ia roadshow-o bang•bea manderangni bak ra•aniara TTAADC election aro 2028 bilsini Tripura Assembly election-o manderangni bak ra•na sienganiko mesoksoani ong•enga ineba Saha aganaha.
BJP-chi dilenggipa sorkarini namroro silroroaniko ra•baani bidingo janapatengon, manderangni namgnina sorkarini ra•gate on•gipa dingtang dingtang scheme-rangni gimin Saha talatanirangko on•angaha.
Na·simang iakoba nina man·gen:
Na·simang iakoba poraina man·gen: Cha baganoniko matchapeng bi·sarang manggniko jokata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
