Shillong, May 10: Re•anggipa May-ni 5 tarik walo, Jalynteng songni truck driver Roning Nongkynrih-ko Pynursla-Dawki ramao donggipa Pomshutia songo goe galahani gimin BSF sipairangko, Meghalaya a•dokni Cabinet Minister Paul Lyngdoh matnangataha.
Lyngdoh-ni parakatani gitade, BSF sipairangara a•song damgnini simarangosa nirok sandianirangko dakna dongimin dol ong•achim aro iandake manderangni songdongchakgipa biapona re•ange songni mandeko goe galaniara namen kragijani ong•ahachim.
Mikkangchi iandakgipa a•selrang ong•taijana gita rakgipa niamrangko ra•gatna nangchongmotenga ine janapatengon, a•song damgnini simarango niam gri bading chiwalanirangko, niam gri napsrukanirangko aro uandakgipa ong•gija kamrangko nirokna gitasa BSF-ko donahani gimin an•tangtangni mongsonggipa daitorangko ka•china gita uamang BSF dolrangko, a•songni simarangona watatgen ine a•dokni Cabinet Minister Paul Lyngdoh parakataha.
Ia truck driver-ko goe galani bidingo BSF-ni sipai sakgittamko rim•ahachim ine nikna man•a.
Iakoba poraie nina man·gen: Sohiong constituency-o sikdepe pu·onaniko a·bachenga; 11 bajiona pu·onani 43.6% gapa
