Tura, Jun 18: Tura Christian Hospital-o gital rikgipa private room dambongako Bristibar salo, Meghalaya Legislative Assembly-ni Speaker Thomas A Sangma, nokdonggae on·angaha.
Ia gital private room-rangko kulidapanichi, Tura Christian Hospital-o palangrangba ge 74-oni ge 79 gapaha.
Ia gital private AC room-rangko nokdonggae on·anganio Assembly-ni Speaker, jinmana aganprakangengon, manderangna an·seng baljokaniko on·na kamrangko ka·engani gimin Tura Christian Hospital-ko mittelpilangenba, a·doko sanna banani kamrangko namdapatna sorkarini ka·enggipa kamrangni gimin agan-talate on·angaha.
Mikkangchi Tura Christian Hospital-ko 100 bedded ba ge 100 palangrang donggipa hospital ong·atna gita pilak nanga dakchakanirangko on·naba ua ku·rachakaniko on·angaha.
Iana skang, Tura Christian Hospital-ni Medical Superintendent Dr Editha W Momin, rimchaksoani kattarangko aganangengon, ia hospital-ni gital kuturirangko rikna gita tangka paisarangko aro pilak nanga dakchakanirangko on·ahani gimin Assembly-ni Speaker Thomas A Sangma aro Tura-ni gitcham MP Agatha K Sangma-ko mittelpilangaha.
Na·simang iakoba nina man·gen:
Na·simang iakoba poraina man·gen: Tikrikilla Block-o Special Intensive Revision-ni bidingo skie on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
