Tura, Nov 13: Tura District Football Association (DFA)-ni Meghalaya Football Association (MFA) baksa nangrime ong•atanggipa Referee Training, Bristibar salo matchotaha.
Ia Referee training-ko November 10 tarikoni salbrina, Tura-ni PA Sangma Stadium aro SMELC building-o ong•ataha aro ia training-o skie ra•giparangna practical aro theory class-rangko on•angaha.
Ia referee training program-o Manipur-oni AIFF Referee instructor Joy Chandra Singh aro MFA-ni Head of referees Ricky Synnah, bak ra•giparangna skie on•angaha.
Ia referee training program-o me•chik sakgniko man•chape gimik sak 24 manderang skie ra•angaha aro uamangna robol kal•susaanio referee-rangni dakna nanggni dingtang dingtang kamrangko skie on•angaha.
Ia referee training-ko ong•atani bidingo Tura DFA-ni general secretary Gamcheng R Marak, Hub News baksa agangrikengon, dingtang dingtang gadangni robol kal•susaanirango nitimna gita changgipa sapgipa referee-rangko tarisona gita ia training program-ko ong•ataha ine parakataha.
Ia training program-o changgipa sapgipa manderangkoba basemanaha aro uamangna ja•mano nambate training-rangko on•angkugen ineba Marak aganaha.
Na·simang iakoba nina man·gen:
Na·simang iakoba poraina man·gen: A·doko songdonggipa manderangna sabon aro detergent tariani bidingo training program-ko ong·atenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
