Tura, Dec 4: Me·gong International Literary Festival-ni 3-gipa bakko Budbar salo Tura-ni DC park-o a·bachengate on·angaha. Ia salgnini program-koara NEHU Tura Campus-ni Garo Department, A·chik Literature Society (ALS), Captain Williamson Sangma State University aro Don Bosco College apsan bakrime ong·atenga.
“Cha·chriko rongrikangbo, Rongjanggiko rongsikangbo” ine katta bichongni ning·o ong·atenggipa ia tom·bimonganiara A·chikrangni dakbewal rikbewalrangko manian baksana ia chasongni sea jotanio gital chanchibewalanina didianiko on·ani ong·a.
Ia tom·bimonganiko a·bachengate on·anio Mahendragangh-ni MLA aro Excise Department-na ku·pattitimgipa Sanjay A. Sangma, mongsonggipa sokgipa ong·e bak ra·angpaaha. Ua jinmana aganprakaniko dakengon, A·chikrangni dakbewal rikbewalrangko ripinge rakkiani gamchatani bidingo aganenba, ki·tap segiparangko bang·bate ki·taprangko nakatatchina u·iatan baksana mikkangchi a·songtangoni aro gipin a·songni ki·tap senokgiparang baksa ia manianiko ong·atchinaba ku·pattianiko dakangaha.
Ia tom·bimonganio, A·chik Literature Society-ni gita re·anggipa 2024 bilsio mikkangchi A·chik/Garo ki·taprangna ISBN-ko man·bahanina Dr. Titthue Cheran Momin-na mitelpilskaani gita Certificate-ko on·angaha. Ian A·chik ku·chi sea jotaniko a·gilsak gimiko ra·chakaniko man·a dakchakgen ineba uamangni dol u·iataha.
Una agreba, sak 3 sea jotanio u·i-ma·sigiparang jekai Prof. Milton S. Sangma, Prof. Caroline R. Marak aro Prof. Fameline K Marak-naba A·chikkuo sea jotani, dakbewal rikbewal aro skia pora man·atanio uamangni on·gilanina mande ra·pilskaaniko dakangaha.
Ia manianio Dr. Dorothy R. Marak-ni segimin Ku·piring I aro Birong Saka ki·tap, Changchang M Sangma-ni segimin Choksimsa Bite ki·tap, Sengsime A Sangma-ni segimin Nikchanga ingipa gital ki·taprang baksana re·anggipa bilsio manianggipa Me·gong Literary Festival-ni official jawailwat-koba mesoke on·angha.
Ia maniani skanggipa salo sea jotani gimin agan-golpogrikanirang baksana gital ki·tap senokgiparang aro sea jotani bidingo u·i-ma·sigiparang baksa chanchirimaniko dakangaha, indake ia maniani 2-gipa sal chong·motan December jani 4 tariko jatni bewalo dingtang dingtang dakmesokani program-rangko ong·atanggen.
Na·simang iakoba nina man·gen:
Na·simang iakoba poraina man·gen: Cholgrirangko dakchakanisa songsalni chong•mot bewalkode mesoka: CM
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
