Shillong, October 19: Batanggimin October 8 tariko Tura NEHU-o poraienggipa chatro saksako Tura Campus, North Eastern Hill University (NEHU)-o kragija ka•lake roanio jak donggipa manderangko donsogimin committee rangni am•sandie nianio man•jaenba, ia obosta ong•ani bidingo NEHU Vice Chancellor, October 14 tariko Tura Police Station-o badi ka•angaha.
NEHU-ni Tura Campus-ona Agri Business Management Department-o MBA-ko poraina gita Nagaland-oni re•bagipa chatro saksako October 8 tariko pringni 1:30 AM aro 2:00 AM bajini gisepo kragija ka•lake roahachim. Ia dos gnanggipa adita chatro-rangko da•alonaba u•ina gita man•kujaenga.
Ia obosta ong•ani bidingo police-na badi ka•aniara October 11, 2023 tariko Naga Students Union Shillong-ni dabianiko dakahani gimin badi ka•aha ine NEHU-ni authority rang chongmotan, Prof. S.R. Joshi, Registrar, Prof. Lucy Zehol , ia a•sel ong•aniko am•sandienggipa Internal Fact Finding Committee – ni Chairman aro uamang baksana Naga Students’ Union Shillong (NSUS), Angami Elders’ Forum Shillong, NEHU Students Union aro NEHU-ni Naga chatro chatri rang baksa October 16, 2023 tariko Tura NEHU Campus-o tom•e chanchirimananio parakataha.
Unbaksana, chatro chatrirangni dabia gita, NEHU-ni authority-rang Internal Fact Committee-ni gita, ia obostao dos gnanggipa chatrorangko, Anti-Ragging Laws-o pangchake kraa aro raka sastiko on•gen ine a•sel ong•a man•gipa nokdangni manderangna ku•rachake chittiko on•ataha.
Indake ong•engon, NEHU aro Tura Police-ko ia obostani bidingo dondikgija am•sandianiko dakchina ine Naga Students Union Shillong didiataha.
Iakoba poraie nina man·gen: M’laya Street Vendors (Protection of Livelihood & Regulation of Street Vending) Scheme 2023-ko Cabinet ra•chaka
Watch
