Tura, Aug 13: Tura songjinmao da•ororo salantian mikkarang waengoba, August-ni 15 tariko India a•songni jakgitelani salko manina gita West Garo Hills a•jani District Administration, dingtang dingtang department-rang aro dolrang baksa dingtang dingtang program-rangko ong•atna tarisamsoaha.
Tura-o a•songni jakgitelani salko Matchakolgre LP School kal•chakramo maniangtaigen aro ia manianio bak ra•na gita march past ka•gipa dolrang, cultural troupe-rang, skul bi•sarang aro dingtang dingtang sipai dolrangba, re•anggipa salrangonin ia biapo tarisamsotokengaha.
Tura-o ia salko manianio, Meghalaya a•dokni Deputy Chief Minister Sniawbhalang Dhar, mongsonggipa sokgipa ong•e, a•songni nisanko badalate on•anggen aro iana tarisamsoanirangko West Garo Hills a•jani Deputy Commissioner Vibhor Aggarwal, Additional Deputy Commissioner (ADC)-rang aro dingtang dingtang department-ni official-rangba nirokangaha.
Ia salko manina gita tarisamsoanirangko West Garo Hills a•jani Deputy Commissioner, Hub News-na talate on•angengon, mikkarang wagenchimoba ia manianiko name chu•sokatna pilakan rakbee kamrangko ka•sotokenga ine parakataha.
Ia manianiona re•bae bak ra•echina gita manderangko didiatengon, ia manianiko tom•tome aro name matchotatna gita pilakkon bakrimchina Deputy Commissioner mol•molataha.
A•songni jakgitelani salko manianio maming so•sojengjeng ong•anirang dongjana gita Tura-ni pilak biaprangon chel•chakgipa sipai dolrang, nirok sandianirangko dakenga ineba Aggarwal aganaha.
A•songni jakgitelani salko maniani bak gita dingtangmancha Tura DC Park-oba git ring•ani aro dingtang dingtang program-rangko ong•atenga. Tura DC Park-o ia program-ko pring 10:30 bajioni a•bachengatgen aro attam 8:30 bajio matchotatgen.
Una agreba, ia salko maniani bak gita TB sagiparangna aro NRC centre-o donggipa cha•anirangko, Children’s Home-o donggipa bi•sarangna boksisrangko suale on•angan baksana District Jail-oba dingtangmancha program-ko ong•atanggen.
Na·simang iakoba nina man·gen:
Na·simang iakoba poraina man·gen: Mairang Block-ni Integrated Development Complex-ko CM nokdonggae on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
