Shillong, Aug 12: Mongolbar salo, Meghalaya a•dokni Chief Minister Conrad K Sangma, Eastern West Khasi Hills a•jao donggipa Mairang C&RD Block Office-o Block Integrated Development Complex-ko nokdonggae on•angan baksana Tirot Sing Memorial Hospital-o namdapatgipa sanna banani cholrangkoba kulie on•angolaha.
Mairang-o donggipa Tirot Sing Memorial Hospital-o namdapatgipa sanna banani cholrangara, Sick New Born Care Unit (SNCU), Paediatric Intensive Care Unit (PICU), Adult Intensive Care Unit (AICU), aro High Dependency Unit (HDU) ong•a.
Mairang C&RD Block Office-ni Integrated Development Complex aro Tirot Sing Memorial Hospital-ni gital unit-rangko kulie on•anganio a•dokni Chief Minister, jinmana aganprakangengon, pilak a•jarangon apsan ong•e namroro silroroaniko ra•bana aro sorkarini kamrangko manderangona sepangbatatna gita sorkarini on•kange ka•enggipa kamrangni gimin talataniko on•angaha.
Batanggimin bilsisnini gisepo a•dok sorkarini ra•bagipa dingtanganirangko talate on•angengon, Mairang-o gital DC office-ko rikna, district Convention Centre-ko rikna, street light-rangko nambatatna, Mawdiangdiang-o Shillong Secretariat Project, songko nokko dilgiparangna dakchakaniko on•na aro CM Elevate aro PMAY (Awas Plus) gita dakgipa scheme-rangchi tourism-ko tang•doatna miksongenga ine Chief Minister parakataha.
Ia tom•anio, a•dokni C&RD Minister Abu Taher Mondal, Health Minister Ampareen Lyngdoh aro gipinrangba aganprakangaha.
Na·simang iakoba nina man·gen:
Na·simang iakoba poraina man·gen: Inter Mahari robol kal•susaanio Chisim aro A•gitok Maharirang chea
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
