Shillong, July 15: Batanggimin Sukubar salo, United Democratic Party, state job reservation policy-nigimin uamangni poraie ma’sirikanigita, chanchitaina nanggipa ming 8 mamlarangko pilak political party-rangni committee-na see on’aha aro uamang pilak Meghalaya a’doko songdongenggipa jat ge’gittamni ra’chakna kragipa niamko chanchirimchina didiaha. ‘Indiba, ia ming 8 nipiltaiani mamlako, government-ni tarigimin Expert Committee chu’gimik poraikuja dipat, parakatkujawa’ ine uiataha.
Pilak political party-rangni committee-ni dilgipa, Ampareen Lyngdoh baksa meeting ka’a ja’man, UDP-ni General Secretary, Jeminno Mawthoh, media-na “chang 14 a’songni niamrangko ma’sigipa aro lekka-bida donggipa manderang baksa UDP party tom’bimongani ja’mansa, ia ming 8 biljrime chanchitaina nangani mamlarangko segataha” ine aganaha. Apsan daken “ua mamlarangko Ampareen-ni dilenggipa committee-na on’aha, maina chinga government aro expert committee-ni pilak member-rangko a’jani manderangni namgnirangnigimin reservation policy-ko name poraichina nangnika. Chingni chanchianirango darangkoba changalani dongjawa aro Meghalaya-ni reserved category-ni manderangna ra’chakna man’gipa niamsa ong’aigen, maina chinga A’chikrang baksaba bilsi 51 batpile dongengjok aro apsan daken jatni niam-retirangkoba ja’rikpaa” ine ua agankuaha.
“Expert Committee-na UDP dolsan chanchina nangani mamlarangko on’ahani gimin Ampareen kusi ong’aha, indiba iarang pilakko parakatna uamang nangnikkujanigimin chingna neng’nikani dongjaoba, parakatna man’kujawa” ine ua media-ni sing’anirangna agandapkuaha.
UDP-ni agananigitade, uamangni on’gimin mamlarangni ong’a-ong’gijako, ba maikoba on’dapna nanganirangko expert committee niangkuna man’gen aro uamangni miksonganirang a’ja gimikko chanchie dakahanigimin, uamang an’tangtangni kamna kusi ong’anikoba parakataha.
Iakoba poraie nina man·gen: Relief camp-rango donggiparangna Manipur Guv dakchakna ku·rachaka
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
