Shillong, April 18: Re·baenggipa jao East Khasi Hills a·jani Sohiong constituency-o ong·nasienggipa eleksino susana gita United Democratic Party (UDP) dolni candidate Pa Synshar Kupar Roy Lyngdoh Thabah, Mongolbar salo nomination lekkarangko on·angaha.
Re·baenggipa jao Sohiong-o eleksinko ong·atenganiara, Meghalaya assembly-na pu·onataniko dakna mikkang-mikkang mija February jani 20 tariko UDP dolni candidate ong·e susana gita tarienggipa Pa HDR Lyngdoh sagini tanggitik a·gilsakko watangani a·sel eleksin ong·atgniko dontongatna nangahachim ine nikatna gita man·gen.
Pa Synshar-ni nomination lekkako on·angmitingo somoio, UDP-ni padot Pa Metbah Lyngdoh, General Secretary Dr Jemino Mawthoh, South Shillong-ni MLA aro Cabinet Minister Pa Paul Lyngdoh-maang baksana dolna chakgipa sak ritcha manderang gimikan unbaksa dongpatokaha.
Indake ong·engon, Sohiong constituency-o eleksinko ong·atna gita a·songni Election Commission, re·baenggipa May jani 20 tarikko manchie donangaha.
