Shillong, Jan 9: UDP-ni dilgipa aro Amralem-ni MLA Lahkmen Rymbui, Bangladesh-o ong·enga obostani bidingo mongsongbate re·baenggipa February jao ong·na sienggipa election-na gisiko suk ong·gijaniko parakataha. Iani gisepon, India-Bangladesh sima ari-o naljokaniko rakkian baksana bading chiwalanirangko a·bachengatpiltaina gita Bangladesh a·songo tom·tomaniko rakkina nangchongmotani ong·a ine ua aganangaha.
Bangladesh a·songo maiba kajia golmal gondogolrang ong·genchimode, Meghalaya-o mongsongbate Bangladesh a·songo medicine poraienggipa a·dokni chatro chatrirang nangchakeako man·ronga ine Rymbui u·iatengon, uamangni naljokanina tom·tomaniko rakkina nangchongmotani ong·enga ineba ua janapataha.
Ru·utbea somoirangoni Sylhet (Bangladesh) aro Meghalaya-ni dingtang dingtang biaprang baksa itihas aro dakbewal rikbewalrangchi meli nangrime donganiko janapatengon, Rymbui, da·o rikna sienggipa Bangladesh sorkariko bang·pagija jatrangko naljoke rakkichina aganenba, Khasi-Pnar jolrango da·o dipet tom·tomaniko rakkianina Nokgipa Isolko de·mitelataha.
Ua sima ari sepangjolo donggipa manderangko mikrake dongchina u·iatan baksana maiba chanchichipna kragipa kamrangko nikgenchimode BSF aro Police dolrangna u·iataniko dake dakchakaniko on·chinaba didiataha. Kangal cholgrianichi manderangko niamgri sima ari-rangko batsotna draatgenchimoba, songni manderangko simsake donganina de·mitelatengon, Meghalaya aro India-ona niamgri napsrukbagiparangko champengatna gita apsan ku·mong nangrime kamrangko ka·na nanga ine u·iatangkuaha.
Na·simang iakoba nina man·gen:
Na·simang iakoba poraina man·gen: Arunachal Pradesh-o gitalgipa rokom gni beng·blokrangko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
