Shillong, June 6: Janggi tangani cholrangko u·i-ma·siani gnang an·tangtangna basee ra·na Seng Samla & Cultural Sports Club Syadrit, University of Science & Technology Meghalaya (USTM) baksa bakrime chadamberangna Career Guidance and Awareness Programko da·alo Umsning-o ong·ataha.
Ia program-ona Lok Sabha-ni MP Dr. Ricky Andrew J. Syngkhon mongsonggipa sokgipa ong·e re·baaha. Una agreba Umsningni MLA Dr. Celestine Lyngdoh aro Umsningni MDC Banrikus Nongsteng mande ra·aniko man·e sokgiparang ong·aha aro USTMni Chancellor Mahbubul Hoque dingtangmancha okamaniko man·aha. Dingtang dingtang u·i-ma·sigipa manderang, aro ua joloni chadamberang aro chatro-chatrirangba ia programo bak ra·angaha.
Iano chadamberangna aro chatro-chatrirangna dingtang dingtang skie on·anirangko dakaha jekai chubata gadango poraianio an·tangna namgipa poraianirangko basee ra·ani, National Education Policyni (NEP) bidingo skul, college aro universityrangni dakna nanggni, kamrangna skie ra·ani aro kamko man·ani, aro una agreba chatro-chatrirangko an·tangtango ka·dongatna dingtangmancha didiani “The Wheel of Confidence”-ko ka·e mesokangaha.
Chatro-chatrirang u·i-ma·sigipa manderang baksa agangrikaniko dakanichi, an·tangtangni poraiani aro janggi tangani cholrangko baseaanio dilaniko man·a cholko man·a baksana, ia programo nabaenggipa cholrangni kri poraina nanganirangkoba agan-talate on·aha.
Iandakgipa programrangko ong·atanchi songoni chatro-chatrirangna uamangni ma·sigijanirangko ma·sie ra·na aro chubata gadango poraianio aro changa-sapanirangko skie ra·anio ka·donganiko on·gen ine ia programko ong·atgiparang ka·donge aganaha.
Na·simang ia video-koba nina man·gen:
Na·simang iakoba poraina man·gen: World Environment Day-o Megh’ CM manderangko sing·doa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
