Shillong, June 19: Megahalaya a•dokni zoo-o nikronggijagipa Stump-tailed Macaque minggipa makkre-ni atchianichi, uamangni matburingrangko simsakani aro ripenge dona gisik nange kam ka•anio chu•sokaniko mesokaha.
Ia makkre bi•sara exchange programme-ni bak dake Aizawl Zoological Park oniko ra•bagipa macaque makkre bima aro bipaoni atchiaha. Ia makkre bi•sani atchianiara uamangni biap gital-o dongna man•aniko mesokaha, indake ia makkre bi•sako uamang namen niroksimsakenga, ine official-rang aganangaha.
Ia Stump-tailed Macaque- matburingrangara uamangni dongchakgipa buring-rangko manderangni dingtang dingtang nanganina nosto ka•enganichi gimaroroengaha aro mikkangchi gimasrangnaba donga, ine International Union for Conservation of Nature (IUCN) aganangaha.
Macaque bi•sa an•seng baljoke dongengenga aro veterinarian-rang uko namen niroksimsakaniko dakenga, ine zoo-ni official-rang aganangaha.
Ia makkre-ni atchianiara, Megahalaya a•dokni matburingrangko scientific bewalrangko jakkale namen niroksimsakaniko aro ripenge dona gisik nange kam ka•enganiko mesoka, ine D. Sathiyan aganangaha.
Megahalaya a•dokko ia macaques makkre-ko atchiatna man•anichi, matburingrangni gimaenganiko champengna aro ripenge donna kam ka•anirangko dakanio bilakbatna ka•dongsoenga.
Na·simang iakoba nina man·gen:
Na·simang iakoba poraina man·gen: M’laya-o processing unit-rang dam 11 gapaha; Sak 55,000 game ge·e cha·giparang namgniko man·enga CM
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
