Shillong, Oct 13: Ri-Bhoi a·jani Umsning-o donggipa gitcham Minister Nehlang Lyngdoh-ni nokmikkango IED bomb-ko donaniko Hynniewtrep National Liberation Council (HNLC) uamangni kam ine a·kange ra·aha.
HNLC-ni General Secretary Sainkupar Nongtraw-ni koborna u·iatani gitade, ian dal·dalgipa politician aro badingchiwalaniko dakenggipa manderangni non-tribal ba gipin jatrangko bil gnangate dakchakaniko on·e Jaidbynriew-ko cha·bokahanina jegalaniko mesokengani ong·a ine parakataha.
Indake iandake gipin jatrangna chakpaaniko on·enganina, a·arangko palenganina aro a·paloni napbagipa manderangna chakpae dongchakna biaprangko on·enganiara mikkangchi Hynniewtrep-na kenchakani donga ineba uamang matnangataha.
Dilgipa sakantini dakna nanggniara a·dok chigako, a·ako, a·dokni gamko aro manderangni identity-ko ripingani aro chel·chaksoani kam ong·a, indake ong·genchimoba an·tangtangni political a·bao namgni ba man·gninasa bang·bata politician-rangan rikbatenga ineba HNLC matnangataha.
Indake, je politician-rangan a·paloni re·bagipa gipin jatrangna chakpaaniko on·enga aro a·dok chigatangni mandetangni namnikako dakjaenga, iandake an·tangna chanchigipa politician-rangni kosako bobil dake chakatgipa dolni bilko mesokanggen ineba HNLC mikrakataniko on·ataha.
Na·simang iakoba nina man·gen:
Na·simang iakoba poraina man·gen: ST-o chapatchina aro gipin man·gni bilrangko on·china dabie ACMS, ATTSA, AASAA Dibrugarh-o jingjengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
