Shillong, June 12: UNICEF India-ni delegation ba watatako man·giparang, Social and Behaviour Change (SBC)-ni padot Dennis Christian Larsen-ni dilanio, songni manderangni ong·atgipa an·seng baljokani program-rang maikai ma·giparang aro bi·sarangni an·seng baljokanirangko namdapatna dakchakaniko on·engachim uarangko nina gita Ri-Bhoi a·jani Umpathaw songona June jani 11 tariko re·angaha.

UNICEF Delhi aro Assam office-rangni official-rangko man·chapgipa dol, GAVI Health Systems Strengthening (HSS-3) program-ni ning·o an·seng baljokani program-rangko porikka ka·e nianiko dakangaha. Ia program-koara Tattva Foundation, Meghalaya a·dok sorkari, NHM Meghalaya aro UNICEF India baksa apsan nangrime ong·atenga.

Iako ong·atani mongsonggipa miksonganide uan biji su·jringaniko bariatani, biji su·gija donggipa bi·sarangko komiatan baksana biji su·na jajagipa ba gonggijagiparangko biji su·na didianiko on·anian ong·a.

Delegation ba watatako mangipa manderang Maternal, New Born aro Child Health-Human Centred Design (MNCH-HCD) program-ko porikka ka·e nianiko dakangaha, jean kenchakna nanggipa an·o donggiparangko u·i-na aro dakchakaniko on·a Mama Alert Card ingipa ostroko jakkala.

Official-rang, sana bananiko on·giparang, songni dilgiparang, pagiparang, dal·drobaenggipa bi·sarang, skulo poraienggipa bi·sarang aro dakchakaniko on·gipa ma·gipaskarang baksa agan-golpogrikaniko dakangaha, jean songni manderangni bak ra·paani, ka·dongani aro sana bananiko namdapatna gita bewalrango dingtangataniko ra·bana nangchongmotaniko mesoka. Assam Don Bosco University aro ITT Bombay, ia program-na chakpaaniko on·angaha.

Na·simang iakoba nina man·gen: 

Na·simang iakoba poraina man·gen: Sorkarini ku·rachakaniko chu·sokatchina dabie gitcham bobil dolni manderang rama champengata

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub