Guwahati, April 21: Da•al salni bako, Union Home Minister Amit Shah, Assam Silchar-o, Cabinet Minister aro BJP-ni dilgipa Parimal Suklabaidya-na chakpaaniko am•na gita mega road show-ko ong•atangaha, jeon Skotong Minister Himanta Biswa Sarma baksana Silchar-ni dingtang dingtang bakrangoni BJP dolna chakpaaniko mesokna gita re•baenba bakko ra•angtokaha. Suklabaidya, Silchar-o ong•enggipa MP Dr Rajdeep Roy-ni biap-o Silchar seat-na susaaniko dakanggen.
Roadshow ong•atmiting somoio, manderangni “Modi-Shah tangbangchina” , “BJP tangbangchina”, “Bharat Mata Ki Jai” aro “Jai Shree Ram ” ine chrikanirangko knana gita man•aha.
Silchar-o BJP namen bilakbegipa ong•an baksana Silchar seat-ko man•rikpiltaina gita BJP dolrang bilaken kamrangko ka•enga.
Silchar Lok Sabha constituency-o sakgittam manderang chongmotan BJP-ni dilgipa Parimal Suklabaidya, TMC-ni candidate Radheshyam Biswas aro Congress candidate Surya Kanta Sarkar-ni gisepgriko susagrikanirangko nikanggen.
Da•o re•baenggipa 2024-ni Second Phase General Election-ko, Assam baksana dam 13 a•dokrangni ning•o dong•gipa dam 89 Lok Sabha constituency-rango April jani 26 tariko ong•atanggen. Assam-ni gnigipa bako, dambonga mongsonggipa constituency-rangara : Karimganj, Silchar, Mangaldoi, Nowgong aro Kaliabor iarang ong•enga, jean Silchar-o BJP election-na Amit Shah-ni re•jomaniko ong•atanio mongsonggipa ong•enga ine me•soka.
Na·simang ia video-koba nina man·gen:
Na·simang iakoba poraina man·gen: Ri Bhoi a·jao Suwori Festival-ko ong·ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
