Resubelpara, Aug 23: Ma•mongoni dakchakatenggipa Scheme-rangni obostako nipilna aro uarangni kam ka•anirango chagrongenggipa neng•nikanirangko namatna inenba Sonibar salo, Union Minister of State for Home Affairs, Bandi Sanjay Kumar, North Garo Hills a•jani officialrang baksa chanchirimaniko dakangaha.
Agangrikanirangko dakengon, a•jao chagrongenggipa neng•nikanirang jekai daka-rikani chu•onggijanirang, project-rangko name chalaigijanirang, aro chu•onga gita manderang donggijani gimin Deputy Commissioner Dr. Abhishek Saini talate on•angaha. Uandake nangchongmotgipa sector-rango scheme-rangko namedake chalaina man•na inenba ma•mongoniko tangkarangko aro dakchakanirangko on•dapchina mol•molaha.
Dingtang dingtang department-rang jekai Health, PHE, Horticulture & Agriculture, Soil and Water Conservation, Education, Labour, PWD (Roads), C&RD (MNREGS), DCIC aro Social Welfare-ni official-rang ia tom•anio bakko ra•e department-tangtangna biapni kri niamrangko dingtangatna nanganirangko janape on•angaha.
Uamangni agananirangko knatimani ja•mano, uamangni nangnikani gita niamrango dingtangatanirangko dakna, tangka-paisarangko bang•bate sokatna, aro a•jao scheme-rangko nambate chalaina dakchakanirangko on•gen ine Bandi Sanjay Kumar ku•chakaha.
North Garo Hills-o sorkari-ni programm-rangchi namroro-silroroaniko ta•rakbate ra•bana aro champenganirangko aro neng•nikanirangko sandina ine ia tom•aniko ong•ataha ine official-rang aganangaha.
Na·simang iakoba nina man·gen:
Na·simang iakoba poraina man·gen: Salgro-Salaram-ni skanggipa Urological Robot-ko IUKD, Guwahati-o oprake on·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
