Guwahati, Dec 29: Uttarakhand-ni Skotong Minister Pushkar Singh Dhami, jatni bimungo kragija bilongbee doka sataniko man·e sianggipa Tripura-ni chadambe Anjel Chakma-ni pagipa Tarun Prasad Chakma baksa agan-golpogrikaniko dakangaha. Dhami ia ong·a obostako skimna nangani ine aganengon, matnanga man·gipa bang·batakon rim·aha aro kate chakenggipa Nepal a·songonikoba rim·na am·sandianiko dakenga ineba ua u·iatangaha.
Ua so·ota man·gipa nokdangni manderangna dos dakgipa manderangni kosako rakgipa ja·ku de·aniko dakgen ine ka·dongataniko on·ani gisepon, Tripura-ni Skotong Minister Manik Saha baksana case-ko nirokenggipa a·songni a·gipibatgipa dilgiparang baksa agan-grikanirangko dakangaha. India a·songni pilak dilgiparangba ia so·otani kosako raken jegalataha. Rahul Gandhi ia ong·a obostako misilbegipa ka·o nange niamko pe·ani ine aganengon, ka·o nanganiko namrenge ra·na nangja ine mikrakataniko on·ataha.
Meghalaya-ni Skotong Minister Conrad K Sangma, ia so·otaniko ka·a be·ani aro ra·chakna man·gijani ine aganengon, jatni bimungo kragija dakaniko maming saloba chakchikna nangja ine aganangaha. Ia ong·a obosta, India-ni badiaba biaprango da·onaba Salgro Salaram jolo songdonggipa manderangko jatni bimungo mikkang nitee kragija dakanirangko chagrongna nangkuenganiko mesoka ine Mizoram-ni Skotong Minister Lalduhoma aganangaha. Assam-ni Skotong Minister Himanta Biswa Sarma, ia so·otani kosako rake jegalatengon, dos dakgipa manderangko ta·rake sandienba, uamangna rakgipa sastiko on·china u·iataha.
Ia ong·a obosta, changsatai Salgro Salaram jolni chatro chatrirangni naljokanina aro a·songo jatni bimungo uamangni kosako kragija dakanina jajrenganiko nakatataha.
Na·simang iakoba nina man·gen:
Na·simang iakoba poraina man·gen: BJP-ko seoktaiode Assam-o niam gri songdonggiparangko a•rikgalna man•gen: Amit Shah
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
