Shillong, May 22: North-Eastern Hill Universityni (NEHU) Vice Chancellor, Prof. PS Shukla-ni beng·aniko manigija, NEHU-ni Acting VC, Prof Sherwin M Sungoh, Budbar salo NEHUni Academic Councilni tom·aniko ong·ataha.
“Academic Councilni memberrangni bakrimanichi tom·aniko name tom·tome ong·atna man·aha. Sak 130mangni gita memberrang ia tom·anio bakko ra·aha,” ine Prof SM Sungoh parakata.
NEHU-ko chalaianiko nina Ministry of Education-oni sakgni watatako man·gipani re·bana salgni skang ia tom·aniko ong·ataha. Academic Councilni tom·aniko ong·atgenchimode Prof Sungoh uni kri sastiko man·gen, aro ia tom·aniara niam gri aro chatro-chatrirangni poraianina neng·nikaniko ra·bagen ine Prof Prabha Shankar Shukla aganachim. NEHUTA-ni draataniko man·e Prof Sungoh an·tangko VC in-charge songgipasa ong·a aro ua NEHU Act aro niamrangni ning·o iandakgipa tom·aniko ong·atna bil dongja ineba ua agandapaha.
Poraia-skie ra·ani bidingo bang·a nanganirangko, jekai dingtang dingtang skul boadrangna expertrangko baseani, PhD supervisorrangko rakkiani, PhD resultrangko parakatani, undergraduate aro postgraduate syllabi-ko nipilani, aro uandakgipa dingtang dingtang nanganirangko chanchirimaha ine tom·anio matchoto NEHU Teachers’ Associationni (NEHUTA) president Prof. Lakhon Kma kobor on·timgiparangna parakataha.
Prof. Shuklani agananirangkoba ua jegalaha. “Statute-o pangchake, Prof. Shukla-ni donggijao Prof. Sungoh uni palo Vice-Chancellorni kamrangko ka·na bil donga. Meghalaya-ni a·palo NEHU bil dongja, aro Prof Shukla da·o a·doko ong·jani gimin, Prof Sungoh-an acting VC ong·enga,” ine ua aganaha.
NEHUni statutory provisionrango pangchake, Academic Council Prof. Sungoh-ko Acting Vice-Chancellor ong·e tom·aniko dakdilnaba bil ong·aha aro pilakan iako namnike ra·chakaha ineba ua agandapaha.
VC Prof Shuklani batanggimin bilsi gittam adha-na bateba, uni donggijao, re·anggipa ja-6ni gisepon campus-o bang·a namdapatanirangko nikna man·aha ineba ua matnange aganaha. “Uni donggijaniara chingna namgnisa ong·pilaha. Campusni samtangtangrang- sorokrang, bijolirang aro pilakan namdapataniko man·aha” ine ua parakataha.
Na·simang ia video-koba nina man·gen:
Na·simang iakoba poraina man·gen: Dr Norman Tunnel Hospital-na MHAP-ni cr 1-ko CM pakwate on•anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
