Gangtok, May 22: Sikkim a•doko bon•kamgipa raja Chogyal Palden Thodnup Namgyal-ni chang 102-gipa atchiani salko maniangaha aro ia salko maniani bak gita Chogyal sagi aro Sikkim-ni gitcham Dewan, Nari K Rustomji-ni gisepo dingtangmanchagipa ripeng ong•ani bidingo se•gipa ki•tapkoba oprake on•angjolaha.
Ia salko Gangtok-ni Namgyal Institute of Tibetology-o maniangaha aro ia manianio, Sikkim a•dokni Governor Om Prakash Mathur, mongsonggipa sokgipa ong•e bak ra•angaha.
1919 bilsioni 1993 bilsiona tanganggipa Nari K Rustomji, 1950 bilsirango aro 1960 bilsirangni a•bachengachibara Sikkim, Bhutan aro Assam-o saksa mingnamgipa Indian Civil Servant ong•e kamko ka•aha aro 1972 bilsio Meghalaya a•dokni skanggipa Chief Secretary-ba ong•aha.
Ia salko manianio Nari Rustomji-ni demechik sakgni, chong•motan Shahnaz Rustomji Slater aro Rashne Rustomji Athayde, pagipani Sikkim a•doko bon•kamgipa raja baksa ripeng ong•aniko gisik ra•atpilangengon, 1943 bilsio Chogyal Palden Thondup Namgyal-ko Prince ba pante raja dake songani somoiosa uni pagipa Sikkim a•dokona re•bachengaha aro ua somoio uamang sakgnian Dehradun-o Indian Civil Service training camp-o dongengmitingosa ripeng ong•chengaha ine parakataha.
Ia salko manianio, Namgyal Institute of Tibetology-ni Director Dr Passang D Phempu-ba jinmana aganprakengon, Chogyal Palden Thondup Namgyal-ni chang 102-gipa atchiani salo uamang, Nari Rustomji aro bon•kamgipa rajani ripeng ong•aniko manienga ine parakataha.
Na·simang ia video-koba nina man·gen:
Na·simang iakoba poraina man·gen: VCni beng·aniko manigija NEHU academic councilni tom·aniko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
