Shillong, May 8: Ru·uta bilsirangoni ja·rikbaenggipa a·dokni Job reservation policy-ko nipiltaichina gita dabienba, Voice of the People’s Party (VPP), Sombar salo chanchirimange a·dokni skotong minister Pa Conrad K Sangma-ko re·baenggipa May 12 tariko gronge memorandum-ko on·na gita tik ka·angaha.
Ia janapgimin sal ba tariko, VPP dolni sakbri MLA-rangni Khasi aro Jaintia jatrangni namgnina miksonge re·chakatenganio sakanti uamangna chakpaenggiparangkoba re·bae bak ra·china gita VPP dol mol·molatjolaha.
Indake nikatna man·gen, chong·motan, a·doko dongenggipa job reservation policy-ko skangrango ong·gija dake ja·rikbaanio pangchake roster system-ko uamangni kosako ra·gatnasienga inenba VVP dol dingtang dingtang rally-rangko songrango ong·atangan baksa iani bidingo manderangna mikrakatanirangkoba ong·angahachim ine nikatna gita man·gen.
