28.2 C
Tura
spot_img

VPP-ni candidate-ko Parliament-ona watatode indin ong•gramaigen: Tynsong

Must read

Shillong, Mar 7: Voice of the People’s Party (VPP)-ara Hindi ku•sikko jegalgipa dolsa ong•ani gimin ia Lok Sabha election-o VPP-ni candidate-ko seoke Parliament-ona watatgenchimode manderangni vote-rang indin ong•gramaigen ine Bristibar salo, National People’s Party (NPP)-ni state president aro Meghalaya a•dokni Deputy Chief Minister Prestone Tynsong aganenba, VPP-chi tol•ako man•jachina Khasi aro Jaintia Hills-ni manderangko didiataha.

Advertisement

Bristibar salo, National People’s Youth Front (NPYF)-ni changgittamgipa State Youth Conference-ko ong•atanio jinmana aganprakengon, VPP-de Hindi ku•sikko jegalgipa dolsa ong•ani gimin Parliament-oba Hindi ku•sikchi aganako jegale jinma ong•kate kattokaigen aro bilsibongana Parliament-o bak ra•pana man•jawa ine Tynsong aganenba, Lok Sabha election-o VPP-ni candidate-ko seokjachina Khasi aro Jaintia Hills-ni manderangko didiataha.

Advertisement

Assembly-ni Budget session-o Chief Minister-ni aganchakna chadengon, niamko pa•sike Opposition dolrangni jinma ong•katgrimani giminba Tynsong matnangataha.

“Iako anga aganenga ong•ja indiba na•simang an•tangtangan live telecast ka•aniko nikna man•aha. Ian uamangni ka•pong ong•aniko mesokanisa ong•a,” ine ua aganaha.

Advertisement

Budget-ni bidingo talate on•aniko nangniktaienga ong•ode Opposition membor-rang Chief Minister-ona ba uona re•bana man•aigen ineba a•dokni Deputy Chief Minister aganaha.

Bilsidokni gisepon MDA-2 sorkari, budget-o, tangka paisa koros ka•anio aro namroro silroroaniko ra•baanio chu•sokbatsranggipa sorkari ong•aha ineba Tynsong a•kangataha.

Advertisement

Lok Sabha election-na tarisamsoani bak gita re•baenggipa March 15 tariko, NPP-ni dal•begipa tom•bimonganiko North Garo Hills a•jani Adokgre songo ong•atna sienga ineba NPP-ni state president parakataha.

Tura Lok Sabha constituency-o Agatha K Sangma-ko aro Shillong Lok Sabha constituency-o Ampareen Lyngdoh-ko cheatna gita rakbate kamrangko ka•chinaba ua NPP-na kam ka•enggipa manderangko didiangaha.

Na·simang iakoba poraie nina man·gen: CAA-ni kosako jegale AASU bike rally-ko ong•ata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

spot_img

More articles

spot_img
-->

Latest article