Shillong, April 30: Weisawdong Falls-ni sepango chi ta∙rake jokanganichi man∙pakanggipa bilsi 15 ong∙gipa me∙chik bi∙sani manggisiko Bristibar pringo man∙pilaha.
Obostao ga∙akgipa me∙chik bi∙sa Uttar Pradesh-ni Firozabad minggipa biaponi ong∙achim, aro Budbar salo chi man∙pakangani ja∙mano ua gimaaha.
Koborrangko man∙soani gitade, ua jolo songdonggipa manderang pringni 7:30 bajimango sianggipa me∙chik bi∙sani manggisiko nikaha aro gong∙raken police-na kobor on∙ataha. Police Search and Rescue Team, Fire and Emergency Services aro Sohra Police Station-oni police re∙angenba me∙chik bi∙sani manggisiko chioniko ra∙ongkatna jotton ka∙aha aro pringni 10 bajimango uko man∙aha.
Uandake, post mortem porikkako ra∙na uni manggisiko Sohra Community Health Centre-ona ra∙angaha.
Sianggipa me∙chik bi∙sa an∙tangni nokdangni manderang baksa chuttini somoio Sohra-ona rorambaachim indiba rasong gribee a∙sel ong∙e sianiona sokaha. Chi dare-ni sepango ua jachipchang ra∙na jotton ka∙engmitingo rimilsrote chibimaona ga∙akangaha aro chi ta∙rakgipa uko man∙pakangaha ine koborrangko man∙aha.
Budbar salo police uko am∙sandianiko a∙bachengatahaoba, Bristibar pringosa uni manggisiko man∙aiaha.
Na·simang iakoba nina man·gen:
Na·simang iakoba poraina man·gen: LPG aro petrol-rang a∙doko chu∙ongen donga; manderangko kenjagokjachina sorkari didia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
