Shillong, Jul 3: Meghalaya a•dokni Performance Grading Index (PGI)-ara, a•dokni lekka porao tang•doani baksa melijaenga ine Sukrobar salo, a•dokni Chief Minister Conrad K Sangma parakatenba, a•dokni PGI-ko nambatatna gita skulrango report ka•ani bewalrangkoba namdapatchina didiangaha.
Sukrobar salo, Sohkha Government Higher Secondary School nokna pangchakaniko songanio aro porikkao teng•sugipa chatro chatrirangna mande ra•pilskaaniko dakanio a•dokni Chief Minister aganprakangengon, skulrangni data-rangko report on•anio kolgapgijanirang dongani a•selsa a•dokni PGI-o bang•en mark-rangko gimaatna nangaha aro Education Ministry-ni PGI-o bon•kamgipa biapko man•aha ine talataniko on•angaha.
Chief Minister-ni aganani gitade, skulrangni report-ko on•anio, poraichakani biap ba cyber safety gita dakgipa awareness program-rangni bidingo name report on•jani a•selsa PGI-o Meghalaya a•dok bang•en mark-rangko gimaatna nangaha.
Skulni report-rangko nambate aro somoi gita on•chinaba ua skulni dilgiparangko aro education department-ko didiangaha.
Batanggimin bilsichetni gisepo a•dok sorkari, lekka porani kamrango bang•en namdapaniko ra•bana man•aha ine janapatengon, tangka paisarangko bang•en koros ka•anichi dam 2000-na baten skul nokrangko rikdape on•na man•aha aro SSLC-ni pass percentage-koba 95% batatna man•aha ine Chief Minister aganaha.
Na·simang iakoba nina man·gen:
Na·simang iakoba poraina man·gen: El Nino-na tarisamsochina CM mikrakataniko on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
