Shillong, May 13: Modern Nursing-ko bikotdilchenggipa Florence Nightingale-ko gisik ra•e mande ra•pilskana gita May-ni 12 tariko, Trained Nurses Association West Jaintia Hills Unit-ni gita International Nurses Day-ko West Jaintia Hills a•jani Mihmyntdu-o donggipa Bishop House-o maniangaha.
Ia salko manianio, West Jaintia Hills a•jani Additional Deputy Commissioner Ferdinand B Basan, mongsonggipa sokgipa ong•e, tom•anio bak ra•giparangna aganprakangengon, an•tangtangko on•kange songsalna dangdike on•engani gimin nurse-rangko mittelpilangaha.
Nurse-rangni songsalna on•gilaniara tosokgijagipa kam ong•a ine janapatengon, mikkangchiba sagipa ding•giparangna ka•sae dangdike on•angkuchina gita Basan, nurse-rangko didiangaha.
Ia salko manianio dongpae bakko ra•anggipa gipin manderangara, West Jaintia Hills a•jao donggipa Woodland WK Hospital-ni Dr N Nongtdu, Nursing-ni Assistant Director I Kharduit, Jowai Civil Hospital-ni Medical Superintendent Dr A Paswet aro gipinrang ong•a.
Na·simang ia video-koba nina man·gen:
Na·simang iakoba poraina man·gen: Ri Bhoi-o niam gri a•a cho•enggipani bidingo District Administration inquiry-ko a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
