Shillong, Feb 19: Bristibar salo, West Shillong-ni UDP MLA Paul Lyngdoh, Meghalaya State Electricity Regulatory Commission-ni (MSERC) kam ka·ani bidingo Power Minister Metbah Lyngdoh-ko sing·doanirangko dakangaha.
Commission-ni kosako sorkarini bil aro kam ka·ani bidingo Paul talataniko on·china sing·doon, a·dok sorkarara miksonganirangko donna aro niamrangko tarina bil donga indiba gipin dolrangni kam ka·anio aganpana bil dongja ine Lyngdoh aganchakangaha.
Indake ong·engon, power tariff-ko tik ka·ani bidingo sorkaride commission-na mamung didiani ba agan-ku·pattianirangko dakna man·ja ine ua talatangaha.
Paul sing·doanirangko dontongjaha, aro re·anggipa bilsio tom·anio, bijolini siani aro gamna nanganirangni bidingo neng·nikanirangko janapaha ine aganenba, iani bidingo MSERC agangrikanirangko dakahama ine sing·doaha.
Uandake, manderangni neng·nikanirangko commission knachaka aro bilsiantian tariff-ko taripilna watata ine Metbah Lyngdoh aganangaha.
Opposition-oni VPP-ni MLA Heaving Stone Kharpran MSERC-ni budget-ni gimin sing·doon, a·dok sorkari 2025-26-na kror 3.20 tangkarangko tikataha ine minister aganangaha.
Manderangni janapgimin neng·nikanirangko chu·sokatkujaengani bidingo aganenba, ia obostarangni bidingo talatanirangko somoi nangkugen ine Metbah Lyngdoh aganangaha.
“Tariff-ni gimin aganon, gamna nanganirangko commission-ni ra·chakgimin damrango taria. Darangba una batede gamna aganna man·ja,” ine ua parakataha.
Na·simang iakoba nina man·gen:
Na·simang iakoba poraina man·gen: M’laya a·dok sorkari samgri gama ge·aniko ra·doa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
