Williamnagar, Feb 24: Department of Sericulture, East Garo Hills, Central Silk Board, Tura, baksa bakrimenba DRDA Hall-I, Williamnagar-o, Mongolbar salo salsana Vanya Reshom Krishimela-ko ong·atangaha.
Ia tom·bimonganio a·jani dingtang dingtang biaprangoni eri, muga aro silk-rangko tarigiparang aro dake cha·giparang bak ra·e, dingtang dingtang bosturang jekai jakchi dokgimin ba·rarang aro silk-ni bosturangko mesokangenba, a·jao vanya silk sector-o janggi tangani cholrangni nambatroroenganiko nikna man·aha.
Uandake, Additional Deputy Commissioner, Diana G. Sangma, Garo Hills-o eri aro muga jo·ong jilani gamchatanirangni gimin jinmana parake aganangaha. Chasongni chasongna ja·rikrikbaenggipa dakbewalrangosan pangchakaigija uarangko dal·dapatani cholrang, nambata technology-rangko jakkalanirang aro pala-sim·anirango namdata damrangko man·na branding aro silk marking certification-rangko man·na krengchinaba ua jo·ong jilgiparangko didiangaha. A·songni aro a·gilsakni dingtang dingtang biaprangona sokatna, namgipa rokomni ba·rarangko tarianio, nambatgipa gadangrangko rakkiani aro namedake branding-ko ka·ani namen gamchata ine ua aganangaha.
Technical session-rangko ong·aton, Central Silk Board-ni retired official Caliber M. Marak, nambate aro bang·bate kildingrangko man·na aro sabisirangko namatna chasong gitalni sericulture technology-rangko jakkalani bidingo talate on·angaha.
Sondarani A. Sangma aro Vivian A. Sangma Eri jo·ongrangko jilani bidingo agan-talatanirangko dakangaha, aro Central Silk Board-ni Scientist-D, Dr Mahananda Chutia, Seed Act-ni ning·ao janapgimin niamrang aro namgipa rokomni jo·ongrangko man·na ceritified silk seed-rangko jakkalani gamchatani bidingo talatangaha.
District Sericulture Officer Panna G. Momin, District Horticulture Officer aro DCIC Williamnagar-ni General Manager-ba, dingtang dingtang department-rang baksa bakrime jo·ong jilgiparang aro kilding tarigiparangko training-rang, subsidy-rang aro bading-chiwalanirangko dakchakanirangko on·na nangani bidingo talate on·angaha.
Na·simang iakoba nina man·gen:
Na·simang iakoba poraina man·gen: Mawiong CHC-o doctor saksan ong•ani a•selsa Shillong MP-ko sanna man•jaha ine Health Minister talata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
