Jowai, Feb 4: Mongolbar salo, Deputy Chief Minister, Sniawbhalang Dhar aro Sports Minister, Wailadmiki Shylla, Salgro Salaram-ni skanggipa aro dal•batgipa Tata Authorised Service Facility-ko West Jaintia Hills a•jani Jowai Bypass joljol donggipa Khliehtyrshi minggipa songo oprake on•angaha.
Ia Service Station-ko NG Motors ine dongimin bimungchi chalaienga aro Jaiñtia Hills-ni saksa bading-chiwalgipa, Nidamon Chullet-an uni nokgipa aro uko nirokenggipa ong•a.
Jinmana parake aganatengon, workshop-ni manager, P. Nath, ian Salgro-Salaram-o skanggipa changna a•bachengatenggipa ong•a inenba ia Centre-o on•enggipa cholrangni gimin talate on•angaha.
Uandake, ia centre-ko ra•baaniara Jowai Constituency-o pilakni gita silroro-namroroani chin ong•a ine Wailadmiki Shylla aganangaha aro uko MLA-na seokchengani somoio uni Constituency-o mamung cholrangba dongjachim indiba da•ode a•gilsakni dingtang dingtang biaprangoni ba•ra dokkanrang aro Automobile Centre-rang sokbaengaha ine, iandakgipa bading-chiwalani cholrangko altuae a•bachengatna cholrangko on•anina ua Local Dorbar-rangko mitelangaha.
Ua Chullet-na an•tangni nama skaniko on•aha aro ia Centre, ua jolo donggipa chadamberangna janggi tangani cholrangko on•na dakchakgen ine ka•dongsoe aganangaha.
Bading-chiwalani cholko a•bachengatanina namgipa skia-poraianiko nanga ine bang•a manderangan bebe ra•ronga ine Sniawbhalang Dhar-ba aganangaha, aro ia cholko a•bachengate manderangni iandake ma•sisretanirangko mesoke on•anina Chullet-ko rasong on•e aganangaha.
Uandake, ia centre-ko jakkalchina ua manderangko didiaha, maina ian Shillong ba gipin a•dokrangona songrena nanganiko komiatgen aro apsandakgipa cholrangkon ianoba man•gen ine ua agandapangaha.
Ia tom•anio Raliang-ni MLA Comingone Ymbon, JHADC-ni MDC-rang, Dolloi-rang aro bang•a gipin manderang re•bae bak ra•angaha.
Na·simang iakoba nina man·gen:
Na·simang iakoba poraina man·gen: M’laya-o HPV tesing program-ko a•bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
