Jowai, Sep17: Transport Department, District Commissioner’s Office, West Jaintia Hills, Health Department, Social Welfare Department aro gipin nangrimgimin District Road Safety Committee, Amlarem-o Road Safety & Awareness Programme-ko ong·ataha aro unona Asst. Commissioner Dr. K. Rabha mongsonggipa sokgipa ong·e re·baaha.
Dingtang dingtang department-rangni manderang mongsonggipa u·ina nanggiparang jekai rama-jal·langrango naljokani aro songsaro name janggi tangani bidingo talate on·anirangko dakaha. PWD-ni Executive Engineer, R. Daw manderangko naljoke dongna gita highway-o mesokgipa chinrangko ja·rikchina didiaha, aro Amlarem-ni Police In-Charge, D. Lamare helmet-rangko gannani aro seatbelt-rangko tekna nangani gimin talate on·aha aro 2024 bilsio iarangko dakgijanichi chang 1,80,000 sorokrango a·sel ong·anirangko nikna man·aha ine janapaha.
SDMHO Dr. A. Khonglah manderangko jokatgipa namgipa Samaritan-rangni gimin aganangaha aro para salgipa garirango ta·maku-angko jakkalna beng·aniko gisik ra·ataniko dakangah.
Social Welfare Counsellor, Pariat, HIV/AIDs-ni gimin mikrakatanirangko on·enba, namgipa ranta ka·anirang, be·enko porikka ra·anirangko dakrongani, aro local hospitalrango be·en-ko indin porikka ra·na man·anirangni gimin aganangaha. District Resource Person-ba (LWS) pekgipa bosturangko jakkalani aro uandakgiparangni bidingo manderangni chanchibewalanirangko talate on·angaha.
Una agreba, Jowai-Amlarem Sumo Tourist Association, gari salgiparangni gisepo nangrimani-ko ku·mongrime, manderangko niam gri salruragiparangko sastiko on·gen ine janapangaha. Rangbah Shnong K. Pohlong-ba rama-jal·langrangko name simsake rakkiani aro niam gri dakgipa kamrangko name nirok-sandina nangani bidingo didianiko on·angaha. District Transport Officer E. Lyngdoh permit donggijagipa garirangni manderangko salruraanina rakgipa sastiko on·gen ine mikrakataniko on·anga baksana manderangko gari nangate a·sel ong·ate sale katanggipa obostarangni bidingo sorkari raken kam ka·a, aro dos dakgiparangko sandie Motor Vehicles Act-ni ning·ao sastirangko on·a ine parakataha.
Uamangna agreba, Breakthrough Rehabilitation Centre pekgipa bosturangko dontogna man·gija jakkalani gadangrangni gimin talate on·anga baksana, skulo poraianiko dontonggiparang bang·bataan pekgipa bosturangko jakkalgiparang ong·e ine aganangaha.
Bon·kame, A. Rymbai mitelani kattarangko agane programme-ko matchotataha.
Na·simang iakoba nina man·gen:
Na·simang iakoba poraina man·gen: Gital Cabinet minister-rangna portfolio-rangko suala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
