Jowai, Jan 23: Meghalaya Basin Management Agency (MBMA), District Project Management Unit (DPMU), West Jaintia Hills and State Management Unit (SPMU-CDP), Shillong, Horticulture Development Programe-ni (CDP) West Jaintia Hills a·jao game ge·e cha·ani kolrang aro Agro Response Vehicle-rangko (ARV) sualatanirangko dakangaha.
Ia tom·bimonganiko 22 Januarry 2026-o Laskein C&RD Block Hall-o ong·atangaha aro una National Horticulture Board (NHB) aro Planning Department, Meghalaya sorkari korosrangko on·ataha.
3-Raliang Constituency-ni MLA Comingone Ymbon ia tom·bimonganio mongsonggipa sokgipa ong·e re·baaha aro West Jaintia Hills-ni Assistant Commissioner F Passah, MCS-ba dingtangmancha okamatako man·e re·baaha.
Una agreba, Laskein C&RD Block-ni Block Development Officer Dr. F. R. Shadap, Directorate of Horticulture Lucky Diengdoh, WJH, Assistant Director Horticulture D. Lyngdoh, MBMA-ni Deputy Project Director AS Suting, MBMA-ni DPM, WJH, M. Syngkon aro department-ni gipin official-rangba ia tom·bimonganio bak ra·angaha.
Chu·gimik ge 111 game-ge·e cha·ani kolrang aro bol 7 Agri Response Vehicle-rangko (ARV) mongsonggipa sokgipa aro gipin agipi dilgiparangni jakchi Cluster-ni ning·o donggipa Community Based Organisation-rangna (CBO) sualataha. Ia bosturang game cha·giparangna uamangni Cluster-o donggipa dam 12 Custom Hiring Centre-rangni (CHC) gita game cha·ani kolrangko manderangni gamna amgipa damrango on·na dakchakgen.
Unbaksana bol 7 Agri Response Vehicle-rangko on·anichi bosturangko koros komie aro name salrurana cholko on·e, game cha·giparangko uamangni rate-tete man·giminrangko chimongchakgipa, processing unit, antisamrang aro gipin biaprangona sokatna dakchakgen.
Jinmana parake aganatengon, game-ge·e cha·ani kolrang aro Agri Response Vehicle-rangko sualatanichi game-ge·e cha·aniko altubatatgen aro game cha·giparangko nambate kam ka·na aro man·anirangko batatna dakchakgen ine talate on·angaha. Uandake ua ia on·gimin cholrangko simsake aro namedake jakkalchina game cha·giparangko didiangaha.
Una agreba, ua jolo man·gipa Lakadong holdini gimin janape, uko palna sim·na tarianio uni namgipa gadangko simsake rakkichina, aro name tepe-bil·enba holdini gunko rakkichinaba aganangaha.
Songni sorokrang, biaprang, mongsongbate Kupli tourist spot gimikko aro gipin tourist biaprangko rongtale rakkichina jinma ku·monge kamrangko ka·chinaba MLA manderangna mol·molaniko on·ataha. Jebasi jabolrangko galjachina aro plastikni jabolrangko skatang galjachina, uandake ua biapona rona re·bagiparangba ua jolko mande ra·na aro rongtale rakkina didianiko man·chiba namgipa tangmesokaniko dakchina pilakkon mol·molaha. Rongtalgipa aro namedake rakkigipa samtangtang songna-noknasan namgniko ra·bajawa indiba tourism-ko namdapatna aro pangkamgipa pangnajolna nisigijagipa silroro-namroroanikoba ra·banaba dakchakgen ine ua agandapangaha.
Ia tom·bimonganio Horticulture Department-ni Assistant Director Dr. Lyngdoh-ba, a·jao Horticulture Cluster Development-ko ra·gatani bidingo kan·dikgipa report-ko on·angaha.
Na·simang iakoba nina man·gen:
Na·simang iakoba poraina man·gen: Tripura-ni Governor, Netaji Subhash Chandra Bose-ni atchiani salko manianio uko mande ra·aniko dakanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
