Shillong, Apr 15: West Khasi Hills a•jao, New Nongstoin-ni Multipurpose Durbar Hall, Nongstoin C&RD Block-ni Block Integrated Development Complex aro Mawlieh-o gital rikgipa RMSA Higher Secondary School nokko man•chape dingtang dingtang project-rangko Budbar salo, Meghalaya a•dokni Chief Minister Conrad K Sangma a•bachengate on•angaha.
Ia project-rangko a•bachengate on•anganio a•dokni Chief Minister, jinmana aganprakangengon, songko nokko chalaianio aro ki•tikbrionan sorkarini kamrangko sokatanio Dorbar Shnong-rangni mongsonggipa ong•e kamko ka•ani bidingo janapangaha.
Batanggimin bilsichetni gisepo West Khasi Hills a•jao bang•en dingtanganiko nikna man•aha ine janapatengon, chirangko sale on•ani, lekka porani, tourism-ko tang•doatani aro uandakgipa kamrango gong crore 1315-na batgipa ming 129 dal•dalgipa project-rangko ra•gate on•anichi manderangni janggi tangani gadangrangko dingtangatna man•aha ine Chief Minister parakataha.
Manderangna nambate dangdike on•na gita sorkari office-rangko namdapatani gimin janapatengon, a•dokni block damprakna gong crore gittam ka•e, gimik dam 40 Block Integrated Development Complex-rangko rikna tangka paisarangko chamataha aro ia dam 40-oni dam 24 block-rangkode matchotaha aro dam 16 block-rangkoba da•o matchotna siengaha ine Chief Minister aganaha.
Meghalaya a•dokko man•chengani somoio dam 24 block-rang dongaoni da•o dam 56 block-rang dongaha ine janapatengon, Nongstoin-o nokdonggae on•enggipa Block Integrated Development Complex-chi a•jani manderangna nambate dangdike on•na man•gnok ine Chief Minister aganaha.
Mawlieh-o gital rikgipa RMSA skul nok da•o songadam nokadamrangoni chatro chatrirangna namgipa lekka porako on•na man•gnok aro New Nongstoin-o gital kuligipa Durbar Hall-o manderang, dingtang dingtang kamrangko ka•na man•gnok ineba Chief Minister aganaha.
West Khasi Hills a•jaona re•anganio a•dokni Chief Minister, Ksehkohlong songo CM Connect program-koba ong•atjolaha aro ia program-o ua manderangni nangani aro neng•nikanirangko knatime ra•enba, manderangni neng•nikanirangko namatna ku•rachakaniko on•angaha.
Na·simang iakoba nina man·gen:
Na·simang iakoba poraina man·gen: Tura-o ULLAS Festival-ko ong•ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
