Williamnagar, Jul 21: Re•anggipa July-ni 18 tariko, East Garo Hills a•jani Samgong jolo so•otako man•gipa me•tra Rikkambe Sangma-na Sombar attamo, Garo Students Union (GSU) Eastern Zone, mombatirangko so•e jinma tom•bimonganiko, Williamnagar-ni DC office mikkango ong•atangaha.
Ia tom•bimonganio, Mother’s Union, Mother’s Federation, ADIL, AAYF, AHAM, Loyola College aro Williamnagar Govt College-ni chatro chatrirang, jolo songdongenggipa manderang aro sianggipa me•trani ma•drangrangba bak ra•angtokaha.
Jinma bi•aniko Pamong Talseng A Sangma dilangaha aro ua sastroko poraiani ja•man, mombatiko Pamong Talseng baksana sianggipa me•trani pagipa so•e on•dilangaha.
Ia tom•bimonganiko ong•atani bidingo GSU-EZ-ni general secretary Alex D Shira, Hub News-na talate on•angengon, One Stop Centre (OSC) aro Williamnagar Women’s Police Station-ni simsakjahani a•selsa ia me•tra so•otako man•na nangaha aro ia me•chikna kakket bichalko on•china dabie uamang da•alo ia tom•anikoba ong•ataha ine parakataha.
Na·simang iakoba nina man·gen:
Na·simang iakoba poraina man·gen: Education Minister skulrangko namdapatna sakantikon apsan kam ka·rimchina didia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
