Shillong, June 21: Sonibar salo, International Yoga Day-ko Shillong-o manianio, Meghalaya-ni Education Minister Rakkam A Sangma, yoga-ko ka·ani mamung toromchi nangeja indiba an·chingni chu·gimik be·enni aro gisikni an·seng-baljokanina uko ranta ka·na nanga ine manderangko didie, a·gilsak gimiko Yoga-ko dakmesoke manderangko gisik nangatanina aro salantio ranta ka·na agananina Prime Minister Narendra Modi-ko mitele aganaha.
Da·ororoni chasongo janggi tangna bang·a neng·nikanirangko man·a ine talate, Sangma noktangni obostako janapaha. “Angni ma·detang saksa bilongen saachim aro una simsakgipa angni wanggipa walo tusina man·jaha aro an·tangni an·seng-baljokanina simsakjaha. Angni ma·detangni sina skangan, angni wanggipa stroke ong·e siaha – iarang pilakan be·enni aro gisikni neng·nikani a·sel ong·a,” ine ua aganaha.
Be·enni aro gisikni neng·nikaniara mandeko ka·sinsin siaona sokata, aro da·ororoni chasongo an·ching an·tangtangni an·seng-baljokanina simsakjaengani gimin, gisikni aro be·enni an·seng-baljokaniko ra·bapilna yoga-ko nangchongmota ine agandape, chatro-chatrirang aro kam ka·giparangko salantio yoga-ko ranta ka·e walo tuna man·gijani, name cha·na-ringna man·gijani aro kamni a·sel neng·nikaniko namatna jotton ka·china minister didiaha.
IYKA-ARAM-ni dilanichi sal-16na a·dok gimiko ong·atgipa yoga campaign-ba Sonibar salo matchotaha. Ia campaign-o a·dokni a·ja sam 12-rangoni skulrango yoga-ko dakani aro state-level yoga trekrangko dakanio sak 1200 chatro-chatrirangna baten bak ra·angaha.
Bon·kamgipa session-ko Shillongo ong·aton, Minister Sangma aro Education Secretary Swapnil Tembe uno bak ra·angaha.
Dr. Emidaka Dkhar-ni a·bachengatgipa IYKA-ARAM, Tura, Jowai, Nongstoin aro Williamnagar-o yoga sessionrangko ong·ataha, aro uko Ministry of AYUSH, tCentral Council for Research in Yoga and Naturopathy (CCRYN), Ministry of Education, aro Meghalaya-ni Health aro Education departmentrang dakchakaha.
Ia bilsini a·bachengachipakba, IYKA-ARAM Meghalaya Police baksaba bakrime gisikni an·seng-baljokanina yoga session-ko ong·ataha.
Na·simang ia video-koba nina man·gen:
Na·simang iakoba poraina man·gen: Tura Medical College-ko rikani kamrangko Ampareen Lyngdoh nirokea
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
