Tura, June 16: Yuva Aapda Mitra Volunteers training programme-ko Tura Dakopgre-ni SMELC-o Sombar saloni a·bachengataha.
Ia training programme-ko West Garo Hills a·jani District Disaster Management Authority(DDMA)-ni ong·atenga. Ia programme-ko ong·telaigipa a·selrangni somoio songsalna DDMA-na dakchakaniko on·a man·a gita chadamberangna skie on·a miksonganio ong·atenga.
Indake, National Service Scheme (NSS), National Cadet Corps (NCC), Nehru Yuva Kendra Sangathan (NYKS) aro Bharat Scouts and Guides (BSG)-ni bang·a chadamberang ia programme-o bak ra·tokenga aro uamangna, ong·telaigipa a·selrangna maikai tarisamsona nanga aro iandakgipa somoirango maikai sakgipinrangna dakchakna nangachim, uarangko skie on·anggen.
Ia training-ko matchotman·o bak ra·giparangna certificate, ID Card, uniform aro Emergency Responder Kit-rangko on·anggen.
Yuva Aapda Mitra Scheme-ara National Disaster Management Authority (NDMA)-ni gita sak 2.4 lakh Volunteer-rangna India a·songni dam 315 a·sel ong·chakronggipa a·jarango skie on·a miksonganio ma·mong sorkarini a·bachengatgipa programme ong·a. Indake ong·telaigipa a·selrang ong·ani somoio bakan dakchakgrikna jak on·china chadambe sakantikon ia programme-o didia.
Meghalaya a·dokni Ri-Bhoi, East Khasi Hills, West Khasi Hills, West Garo Hills aro East Garo Hills a·jarango ia programme-ko ong·atangna miksongenga.
Na·simang ia video-koba nina man·gen:
Na·simang iakoba poraina man·gen: Skanggipa changna Meghalaya Health Summit-ko Shillong-o ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
