Shillong, June 16: Meghalaya Health Summit-ko skanggipa changna Shillong-ni Convention Centre-o ong·atangaha. Ia tom·anio a·dokni skotong Minister Conrad K Sangma aro Health Minister Dr. Ampareen Lyngdoh mongsonggipa sokgipa ong·e bak ra·angaha.
Ia tom·anio, dingtang dingtang hospital-o kam ka·giparang, healthcare institution-rang, niam tarigipa dolrang, namroro silroroatanio bakrime kam ka·giparang aro gisik a·ning bitgipa manderangba re·bae chanchirimaniko dakangaha.
Ia tom·anio, Meghalaya a·dokni silroro namroroanina ku·cholsan kam ka·na aro technology-rangko jakkale manderangna nambata sanna bannaniko on·a ja·ku de·ani bidingoba dingtang dingtang dolrang chanchirimangaha.
A·dokni Skotong Minister, manderangna nambata sanna bannaniko on·a sorkari krenge kamko ka·enga ine janapengon, a·doko manderangna nambata sanna bannaniko on·a man·enganiara chamatgipa tangka paisarangni a·sel ong·ja indiba manderangni nangnika gita sanna bannaniko on·a kam ka·ani giminsa ong·a ine aganaha.
Health Minister Dr. Ampareen Lyngdoh-ba, manderangni nangnikanirangko sorkari knachakna, uarangko ra·chake aro ku·monge kam ka·na kang·kare kaengani gimin janapan baksa, ning·tugipa PHC-rango AYUSH-ni gita sanna bannaniko on·enganiko bariataha ine aganaha.
Ia tom·anio bak ra·giparangko aro a·dokni manderangna nambata sanna bannaniko on·a kam ka·enggipa dolrangko Skotong Minister Conrad K Sangma mitelpilskaaniko dakangaha.
Na·simang ia video-koba nina man·gen:
Na·simang iakoba poraina man·gen: A•doko skanggipa changna ong•atgipa Health Summit-o CM bak ra•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
